ადვოკატი, მირიან ნიკოლაძე:
“მსოფლიოს ყველა წამყვანი ქვეყნის უშიშროების სამსახური, ისეთი გლობალური მილიტარისტული რყევების დროს, როგორიც მიმდინარეობს უკრაინაში, როგორც წესი, 24 საათიან რეჟიმში ხარჯავს უამრავ რესურსს, რომ დაადგინონ – ომის მონაწილე ქვეყნების პირველი პირები მართლა თავგადაკლული პატრიოტები არიან და ქვეყანა იბრძვის თავისუფლებისათვის თუ სხვა ქვეყნების სპეცსამსახურების გავლენით ახალი “პოლიტიკური კარტი” თამაშდება და ეს ადამიანები უბრალო შემსრულებლები არიან.
საქართველო, ალბათ, ერთადერთი ადგილია დედამიწის ზურგზე, სადაც ცხოვრებაში რომ შეხება არ ჰქონიათ არც ოპერატიულ საქმიანობასთან, არც აგენტურულ სპეციფიკასთან, არც პოლიტიკასთან, ყოველგვარი ეჭვის გარეშე, უაპელაციოდ, გადაჭრით, რიგითი მოქალაქეების ერთმა ნაწილმა იცის, რომ “ზელენსკი პატრიოტიზმისა და თავდადების სიმბოლოა”, ხოლო მეორე ნაწილმა იცის, რომ “ზელენსკი უკანასკნელი ნაგავია, რომელიც თავის უადანაშაულო ხალხს წირავს გაურკევეველი გლობალური თამაშებისთვის”.
ათას ცხრაას ხუთ წელში კატა მოკვდა რუსეთში, წაიყვანეს, დამარხეს გერმანელის მუცელში…
იქა ვართ ისევ.”
კომენტარები