რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ აშშ-ს ინიციატივას რუსეთის ფედერაციის ტერორიზმის მხარდამჭერ ქვეყნად აღიარების შესახებ „იდიოტური ზომა“ აღნიშნული ინიციატივა „უპასუხოდ არ დარჩება“ – დასძინა ზახაროვამ.
„ყველა ზომა, რასაც ისინი მიიღებენ, თუნდაც ასეთი იდიოტური ხასიათის, განვითარდება და გაგრძელდება. ჩვენ, რა თქმა უნდა, არაფერს ვტოვებთ უპასუხოდ და მათ ეს უნდა გაიგონ“, – განაცხადა მარია ზახაროვამ ეთერში.
„რაც უფრო მეტად აყალიბებს ამ თემას შეერთებული შტატები საერთაშორისო საზოგადოების გონებაში, მით უფრო მეტად ახსოვს საერთაშორისო საზოგადოებას მისი დანაშაულებიც“, – ზახაროვამ გაიხსენა ასევე, ავღანეთისთვის ვაშინგტონის მიერ იარაღის მიწოდების ფაქტები.
მან აგრეთვე განმარტა, რომ არსებობს უამრავი მტკიცებულება იმისა, რომ ამერიკული იარაღი ტერორისტულ ორგანიზაციებს ხელში ჩაუვარდათ, ამიტომ რუსეთის ფედერაციის მიერ ტერორიზმის დაფინანსების შესახებ აშშ-ს თვალსაზრისი, შესაძლოა ქვეყანას დიდ ფასად დაუჯდეს.
კომენტარები