პროტოკოლი – როგორ მოვიქცეთ სახლიდან გასვლისას და უკან დაბრუნებისას

კორონავირუსის პრევენციისა და მისი გავრცელების შეჩერების მიზნით, საქართველოს ეპიდემიოლოგთა და ინფექციის კონტროლის სპეციალისტთა ასოციაცია აუცილებელი ჰიგიენური წესების ჩამონათვალს ავრცელებს.
ამ ჩამონათვალში აღწერილია, თუ როგორ უნდა მოიქცნენ მოქალაქეები საცხოვრებელი სახლიდან გამოსვლისას და შესვლისას.

სახლიდან გასვლის პროტოკოლი:

1. ჩაიცვით გრძელმკლავიანი;
2. შეიკარით თმა, არ გამოიყენოთ სამკაულები, მაკიაჟი ან კრემი;
3. თუ გაქვთ პირბადე, აიფარეთ სახეზე სანამ დატოვებთ სახლს;
4.შეეცადეთ, არ გამოიყენოთ საზოგადოებრივი ტრანსპორტი;
5. თუ სახლიდან გახვალთ ცხოველთან ერთად, შეეცადეთ არ მისცეთ ნება შეეხოს ზედაპირებს;
6. როცა ეხებით ნებისმიერ ზედაპირს, თითებზე შემოიხვიეთ ერთჯერადი ხელსახოცი;
7. დაკუჭეთ ხელსახოცი და გადააგდეთ;
8. ნუ დაახველებთ და დააცემინებთ ჰაერში ან ხელისგულზე. აიფარეთ იდაყვი;
9. შეეცადეთ, არ გამოიყენოთ ნაღდი ფული. თუ გამოიყენებთ დაიმუშავეთ ხელი სადეზინფექციო სითხით;
10. დაიბანეთ ხელი ნებისმიერი საგნის შეხების შემდეგ ან გამოიყენეთ ხელის სადეზინფექციო სითხე;
11. არ შეეხოთ სახეს სანამ ხელს არ დაიბანთ;
12. დაიცავი დისტანცია.

სახლში შესვლის პროტოკოლი:

1. სახლში დაბრუნებისას შეეცადეთ, არაფერს შეეხოთ;
2. გაიხადეთ ფეხსაცმელი;
3. თუ შინაურ ცხოველთან ერთად სეირნობდით, გაუწმინდეთ თათები სადეზინფექციო ხსნარით;
4. გაიხადეთ საგარეო ტანსაცმელი და გარეცხეთ;
5. შემოსასვლელში ყუთში ჩაალაგეთ: ჩანთა, საფულე, გასაღები და ა.შ;
6. მიიღეთ შხაპი ან თუ არ არის შესაძლებელი კარგად დაიბანეთ სხეულის ყველა ხილული ნაწილი: სახე, ხელები, მაჯა, კისერი და ა.შ;
7. გაწმინდეთ ტელეფონი და სათვალე საპნიანი წყლით ან ალკოჰოლის შემცველი სითხით;
8. გარეთ ნაყიდი ნივთების შენახვამდე გაასუფთავეთ სპეციალური ხსნარით (არ დაგავიწყდეთ ხელთათმანების გამოყენება);
9. ფრთხილად მოიხსენით ხელთათმანები, გადაყარეთ და დაიბანეთ ხელი;
10. დაიმახსოვრეთ, შეუძლებელია სრული დეზინფექცია (სახლის პირობებში). მიზანი არის რისკის შემცირება.