“ძალიან უხერხულია ომის მდგომარეობაში მყოფ სახელმწიფოს პირობებს რომ უყენებ” – თამარ კორძაია

 თამარ კორძაია ეხმაურება ირაკლი კობახიძის უკრაინის მთავრობისადმი პირობების წაყენებას და მიიჩნევს, რომ ომში მყოფი ქვეყნის მიმართ მსგავსი რიტოტიკა უხერხულია. კორძაიას შეფასებით, “ქართულ ოცნებას” უკრაინის მთავრობასთან თანამშრომლობა არ სურს.
“ძალიან უხერხულია ომის მდგომარეობაში მყოფ სახელმწიფოს პირობებს რომ უყენებ იმის ნაცვლად, რომ უპირობო თანადგომა გამოხატო. თუ რამე პრეტენზიები აქვს “ქართულ ოცნებას” ჯერ მოიგოს უკრაინამ ომი და მერე დაიწყოს ამაზე საუბარი. ამ წუთას ეს იმას ნიშნავს, რომ უკრაინასთან თანამშრომლობა და და უკრაინასთან მეგობრობა “ქართულ ოცნებას” არ სურს.”

ირაკლი კობახიძის ულტიმატუმი უკრაინის მთავრობას. პარტია ,,ქართული ოცნების” თავმჯდომარე კიევს მოუწოდებს, თანამდებობიდან გადააყენოს 3 ქართველი პოლიტიკოსი, მიხეილ სააკაშვილი, ზურაბ ადეიშვილი და გია ლორთქიფანიძე. ამ შემთხვევაში საქართველოს ხელისუფლება უკრაინასთან მაღალი დონის ვიზიტებს გააგრძელებს.