“შეაჩერე კორუფციას” თანადამფუძნებელი, ქეთევან ენუქიძე, აქვეყნებს ვატო გელაშვილის ვიდეოს, სადაც ის ამბობს:
“ეს პაპუაშვილი, ჩვენი მთავრობა, ბუჩაში თუ არ ჩადიან, ჟირინოვსკის გასვენებაში მაინც ჩავიდნენ, სირცხვილია არავინ არ ყოფილა ჩვენგან იქ.”
ვატო გელაშვილი, ამჟამად უკრაინაშია მოხალისედ წასული.
შეგახსენებთ იმასაც, რომ დღეს უკრაინის დროებითმა წარმომადგენლებმა საქართველოში განაცხადა, რომ პოლიტიკოსებს, მათ შორის საქართველოს პარლამენტის თავმჯდომარეს, შალვა პაპუაშვილს ბუჩაში მიწვევა გაუგზავნა, რათა თავისი თვალით იხილონ, იქ მომხდარი დანაშაულებები. პარლამენტის ადმინისტრაცია აცხადებს, რომ მიწვევა არ მიუღიათ, დეპუტატმა ირაკლი ქადაგიშვილმა განაცხადა, რომ “მგონი, შალვა პაპუაშვილი ავადაა”, დეპუტატმა ხუნდაძემ კი განაცხადა, რომ სანამ ბოდიში არ იქნება მოხდილი, მანამდე ბუჩაში მიწვევაზე საუბარიც კი ზედმეტია.
კომენტარები