“ჩვენი ომი არ გავიაზრეთ, ჩვენი გაუპატიურებული ბავშვები, ქალები, ნაწამები ჯარისკაცები არ ვაღიარეთ” – თინა ღვინიაშვილი

 ფეისბუქმომხმარებელი თინა ღვინიაშვილი სოციალურ ქსელში წერს:

„პატარა გოგოების მასობრივ გაუპატიურებაზე რომ ვკითხულობთ ამბებს, იმ ინფორმაციას რომ ხარშავს ჩვენი გონება, რომ თერთმეტი კაცი ცხრა წლის გოგოს აუპატიურებდა და ჩვენც გაეროს, ნატოს მსგავსად უბრალოდ გული გვტკივა და ვწუხვართ, იმის ნაცვლად, რომ როგორც დღეს ჩემმა მეგობარმა თქვა, ახლა ავდგეთ მთელი მსოფლიოს მოსახლეობა და ჩავიდეთ უკრაინაში, აი, ასე – მასიურად, კოლონებად, მილიონობით ადამიანი ავეფაროთ რუსების თოფებს წინ, მანამ სანამ ბავშვებამდე მიაღწევენ, რათა სხვა გოგოებმა და ბიჭებმა, შვილებმა, დისშვილებმა, ძმისშვილებმა იგივე ტანჯვა არ გამოიარონ – ყველაფრის ღირსნი ვართ, ყველანაირი დასასრულის და მართლა ჩალის ფასიღა გახდა სიცოცხლე.

ნამდვილად ყველამ ერთად დავიმსახურეთ ასეთი დასასრული. მშობლებმა, რომლებმაც შვილებს ღირსება არ ასწავლეს, მასწავლებლებმა, რომლებმაც თავიანთ მოსწავლეებს პატრიოტიზმი მხოლოდ საზეპირო ლექსებად გააცნეს, მოქალაქეებმა, რომლებიც არჩევნებზე არ წავიდნენ და ა.შ. ყველამ, ყველამ დავაშავეთ და ახია ჩვენზე.

ადამიანად ყოფნა მხოლოდ ეს ყოფილა – ქუჩებში ხელებშეკრულ მკვდრებზე და თერთმეტი კაცისგან გაუპატიურებულ, მუცელგამოფატრულ ცხრა წლის გოგოზე ტირილი“.