პოლიციელი, ვანო მისირელი, რომელიც კლინიკაშია, ჩადენილს ნანობს და პატიებას ითხოვს – ასე განაცხადა. ადვოკატმა, ვანო სამხარაძემ სასამართლო პროცესზე, მეტიც, ადვოკატის ცნობით, პოლიციელი ამბობს, რომ გორში, კომბინატის დასახლებაში, სადაც ანგარიშსწორება მოხდა, შემთხვევით იქნა გამოძახებული.
არადა, გუშინ გავრცელებულ განცხადებაში, შსს ამტკიცებდა, რომ პოლიციელმა მანამდე მიიღო დაზიანება, ვიდრე მოქალაქეებს საცემრად გადაიყვანდნენ. ადვოკატის ნათქვამის მიხედვით კი, გამოდის, რომ იგი ანგარიშსწორების დროს მივიდა ადგილზე და არა მაშინ, როცა პირველი ეკიპაჟი მოქალაქეს საბუთებს სთხოვდა.
შს მინისტრი, იმედია, ამჯერად იმის მტკიცებას არ დაიწყებს, რომ საბუთების მოთხოვნის გამო ითხოვს პატიებას პოლიციელი და ამას ნანობს, ან იმას, რომ საბუთების შესამოწმებლად სწორედ ეს პირი გამოიძახეს, მერე კი ელოდნენ, როდის მივიდოდა და მოითხოვდა საბუთებს.
აქვს თუ არა უფლება, პირს, რომელსაც ათამდე პოლიციელი სცემს, თავისი სიცოცხლე დაიცვას, რაც ხელში მოჰყვება იმითაც კი? – ამაზე შს მინისტრს არ უსაბრია.
“იგი არ დაემორჩილა პოლიციის მოთხოვნას გადამოწმებულიყო მისი მონაცემები, რა დროსაც გახდა აგრესიული და განახორციელა ფიზიკური თავდასხმა სამინისტროს ერთ-ერთ თანამშრომელზე. კერძოდ, ბლაგვი საგნით – ქვის გამოყენებით დაუზიანა ჯანმრთელობა. აღნიშნული პოლიციელი ინტენსიურ რეჟიმში გადის მკურნალობას ერთ-ერთ სამედიცინო დაწესებულებაში. აღნიშნულ ფაქტთან დაკავშირებით დაწყებულია გამოძიება სისხლის სამართლის კოდექსის 353 -ე პრიმა მუხლით, რაც პოლიციელზე თავდასხმას გულისხმობს” – აცხადებდა გუშინ შსს.
საქმეს პროკურატურა იძიებს, შესაბამისად, კითხვას, დააკავებენ თუ არა, ადგილზე მყოფ სხვა პოლიციელებს, თუნდაც, შეუტყობინებლობის მუხლით, თუ ვერ ადგენენ მათ თანამზრახველობას, მიუხედავად იმისა, რომ ვიდეოც კი არსებობს – სწორედ პროკურტურამ უნდა უპასუხოს, ისევე როგორც, კითხვებს, რას ნიშნავს შსს–ს გუშინდელი განცხადება და დღეს პროცესზე პოლიციელის ადვოკატის ნათქვამი, რამდენად თანხვედრაშია და ან იმას, აქვს თუ არა პირს, რომელსაც ათამდე პოლიციელი სცემს, თავის დაცვის უფლება!
კომენტარები