დევნილთა პოლიტიკური თანამშრომლობის ცენტრის” დამფუძნებელი ოთარ ფანცულაია:
“რუსეთი დაჟინებით ცდილობს შარზე წამოგვიკიდოს. გონიერი ხელისუფლების პირობებში საქართველო დღეს უკვე იქნებოდა მზად როგორც ეკონომიკურად, ასევე პოლიტიკურად და სამხედრო თვალსაზრისით, რუსეთისთვის კბილების დასამტვრევად..
მაგრამ რა გინდა რომ ქნა, როცა ერთ დღეს გეუბნებიან, რომ საქართველოს ჯარი ნატოს სტანდარტებთან თავსებადობაშია, ხოლო მეორე დღეს იძახიან რომ რუსეთი 3 საათში აგვიღებს?
მოკლედ, აფსუებმა თავად იუარეს რუსეთის შემადგენლობაში შესვლის იდეა, რომელიც კალაშნიკოვმა გაახმოვანა.. აფსუებს დღემდე სჯერათ, რომ დამოუკიდებლობას მიაღწევენ.
შესაძლოა მათი ამ ურყევი პოზიციის გამო რუსეთმა აფხაზეთში მორიგი სადამსჯელო სამხედრო ოპერაცია დაგეგმოს.
სამაგიეროდ ბიბილოვს მოეწონა კალაშნიკოვის იდეა..
ახლა დუმის დეპუტატი კლიმოვი მოუწოდებს აჭარას, რომ დაიწყოს საქართველოსგან გამოყოფის პროცედურები. ამასთან გამოთქვამს პროვოკაციულ ვარაუდს, რომ თურქეთი მალე გააქტიურდება აჭარის ხელში ჩაგდების მიზნით.
რუსები უფანტაზიოდ და ადვილად გასაშიფრი მეთოდებით მოქმედებენ, მაგრამ კობახიძემ მე აქ ვარო კაცო, რისი გეშინიათო და რახან მან თქვა, ვითომ შემიძლია მშვიდად დავიძინო?”
კომენტარები