რუსეთის “ჩუმი იარაღი” – რით ემუქრება მედვედევი “არამეგობარ ქვეყნებს”

რუსეთის ყოფილმა პრეზიდენტმა, ამჟამად უშიშროების საბჭოს ხელმძღვანელის მოადგილემ, დიმიტრი მედვედევმა განაცხადა, რომ რუსეთი მთლიანად შეწყვეტს საკვები და სასოფლო-სამეურნეო პროდუქციის მიწოდებას ე.წ. არამეგობრული ქვეყნებისთვის,

როგორც მედვედევმა ტელეგრამის არხში დაწერა, საკვები რუსეთის “ჩუმი იარაღია”, ვინაიდან მრავალი ქვეყნის სასურსათო უსაფრთხოება რუსეთის ექსპორტზეა დამოკიდებული და ახსენა ასევე “ფასების კონტროლი”.

“ჩვენ არ მივაწვდით ჩვენს პროდუქტებს და სოფლის მეურნეობის პროდუქციას ჩვენს მტრებს. ჩვენ კი მათგან არაფერს ვიყიდით, ჩვენ მტერს სადილს არ მივცემთ”, – წერს მედვედევი.

დასავლეთის სახელმწიფოებმა უკრაინაში რუსეთის აგრესიის შესაჩერებლად მოსკოვს მკაცრი ეკონომიკური სანქციები დაუწესეს. საქართველოს ხელისუფლება “ეროვნული ინტერესების” მოტივით სანქციებს არ შეუერთდა.