“ენმ”-ის წევრი, დეპუტატ თამარ კორძაიას დღევანდელ ინტერვიუს, მთავარ არხთან, ჟურნალის თეა ადეიშვილთან, ეხმაურება და წერს:
“Tamuna Kordzaia Tea Adeishvili
ჩემო საყვარელო ადამიანებო, შეცდომების კონტექსტში ზვიად გამსახურდიას და ედვარდ შევარდნაძის ერთად დასახელება, დღეს ნამდვილად არ შემიძლია ავიტანო. მით უფრო, 30 წელზე მეტი გავიდა იმ რუსული ნარატივის შემოჩეჩებიდან, რაც დღემდე ისევ ისეთი სიმძაფრით არის შემორჩენილი, რომ ბანალურ ჭეშმარიტებად ასახელებს ერთი (თამუნა) და მეორე (თეა) არ რისკავს შეკამათებას. ცილისწამებაა, როდესაც ზვიადს მიაწერენ დისკრიმინაციულ გამონათქვამს “მარტო ქართველები”..
ეს არის წმინდა რუსული პროპაგანდა, რითიც წლების განმავლობაში იკვებებოდა საქართველოს მოკეთეც და მოშურნეც. ვერ მომიყვანთ ვერცერთ გამოცემას, ან ვიდეო მასალას, სადაც ის ამბობს ამას. აღარაფერს ვიტყვი იმ უტიფრობაზე, რომ, როდესაც ვიღაცას სურვილი აქვს ზვიადზე ანთხიოს ბოღმა, უსინდისოდ ტყუიან, რომ ეს საკუთარი ყურით აქვთ მოსმენილი.
31 მარტს ნამდვილად აღარ მინდა ამის მოსმენა!
ზვიად გამსახურდიამ პირველმა, საქართველოში მცხოვრებთ, განურჩევლად ყველას, მიანიჭა საქართველოს რესპუბლიკის მოქალაქეობა.
რაც შეეხება შეცდომებს, შეცდომა ცხადია, ყველას ჰქონდა, თუმცა, ედვარდ შევარდნაძიის შეცდომები სანამ გამახსენდება, მანამდე მისი დანაშაულებები მახსენდება. სხვა ყველაფერთან ერთად, დახვრეტილი საპროტესტო აქციები (რასაც თავად ვხელმძღვანელობდი), დარბეული, განადგურებული, გვამებად ქცეული სამეგრელო და ტყეში ობლად დატოვებული საქართველოს პრეზიდენტი მახსენდება..
ბოლო ნაწილთან არცერთი არაფერ შუაში ხართ, მაგრამ ზვიადის შეცდომას იმას ნუ მიაწერთ, რაც არ არსებობს. საკმარისზე მეტი დრო გავიდა იმისთვის, რომ ეს აღარ შეგვეშალოს.”
“რატომ სძულს ივანიშვილს საკუთარი ქვეყანა და ადამიანები ასე, რომლებსაც ანადგურებს…” – თამარ კორძაია
კომენტარები