“ჩვენი ჯარი ნებისმიერ აგრესიას დახვდება ისე, როგორც ამას ჩვენი ქვეყანა ითვალისწინებს” – ქადაგიშვილი

საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი:

„საქართველოში დღეს ჩვენი ჯარი არის ის ჯარი, რომელიც ნებისმიერ აგრესიას დახვდება ისე, როგორც ამას ჩვენი ქვეყანა და მისი სუვერენიტეტი ითვალისწინებს. რაც შეეხება სპეკულაციებს, ისინი ჩვენს მიერ დამთავრებული იქნება საქართველოში.

დღეს ის ომის რიტორიკა, რომელიც პროვოკაციულია და არა პატრიოტული და არა სამშობლოს დაცვისათვის მიმართული, უნდა დავამთავროთ და ახლა ვხედავთ, რომ ოპოზიციის ნაწილი, რადგან ეს რიტორიკა არ გაუვიდათ, როგორ ნელ-ნელა საუბრობს მშვიდობაზე და ევროკავშირისკენ მიმავალ გზაზე ერთობლივ ნაბიჯების გადადგმაზე. დიახ, ეს კარგი გაგებით, მშვიდობისკენ იძულებაც, რა თქმა უნდა, შედგება. შედგება იმიტომ, რომ ეს არის ჩვენი ეროვნული ინტერესის საფუძველში და ომით შეიძლება რაღაც ტერიტორიების ნაწილი დაიკავო, მაგრამ ვერასდროს ვერ დაიკავებ იმ გულს, რა გულითაც იყო ყოველთვის ერთიანი საქართველო. რა გულიც აგრესორმა გატეხა და მერე ტერიტორიაც დაიკავა. ამიტომ ჩვენ ჯერ გულები უნდა დავიბრუნოთ და ამ გულებთან ერთად დაბრუნდება ყველა ის ერთიანობა და სისავსე და ეს არის ჩვენი პოლიტიკა და ეს არის იმ პასუხისმგებლიანი ხელისუფლების პოლიტიკა, რომელსაც ევროკავშირში უნდა შესვლა.“