ადვოკატი, მამუკა ნოზაძე:
“საქართველოს უზენაესი საბჭოს არჩევნები საბჭოთა კავშირის პირობებში, როდესაც ხელისუფლება კომიუნისტურ პარტიის მართველობის ქვეშ იყო, 1990 წლის 28 ოქტომბერს ჩატარდა და ეს იყო პირველი მრავალპარტიული და დემოკრატიული არჩევნები, რომელშიც გაიმარჯვა საარჩევნო ბლოკმა “ მრგვალმა მაგიდა – თავისუფალმა საქართველომ” ზვიად გამსახურდიას ლიდერობით. არჩევნების შედეგად ასევე უზენაეს საბჭოს წევრები გახდნენ კომუნისტური, სახალხო ფრონტის და რესპუბლიკურ პარტიებიდან. წარმოადგინეთ დღეს, როდესაც თითქმის 32 წელი გავიდა პირველი მრავალპარტიული არჩევნებიდან ,რამდენი რუსეთუმე პარტია არსებობს ქვეყანაში და რამდენი რუსეთისკენ მაცქერალი რენეგატი, რომლებსაც მხოლოდ პირადი ინტერესები ამოძრავებთ, რომ გამდიდრდნენ და მხოლოდ სტომაქი ქონდეთ მაძღარი და რა რაოდენობის იქნებოდა საბჭოთა კავშირის ზეიბის დროს.
საქართველოს უზენაესი საბჭოს პირველი შეკრება მოხდა 1990 წლის 14 -15 ნოემბერს და პირველივე შეკრებისთანავე ცხინვალში ოსმა სეპარატისტებმა დაიწყეს ქართველების დარბევა და არეულობა, ამავედროს კახეთში დაიწყო “ მხედრიონის” მიერ ორგანიზებული არეულობა, ხოლო “ მხედრიონის” დაფინანსებას ახორციელებდენ კომუნისტური ნომენკატურის წარმომადგენლები. უკვირდა ბევრს ზვიად გამსახურდია სუკის( სახელმწიფო უშიშროების კომიტეტი) და კრემლის აგენტებს რატომ უწოდებდა მავანთ, მაშინ , როცა ფაქტი იყო, რომ ახალ ხელისუფლებას, რომელმაც ჩაატარა რეფერენდუმი საქართველოს დამოუკიდებლობის თაობაზე 1991 წლის 31 მარტს და 1991 წლის 9 აპრილს გამოაცხადა დამოუკიდებლობის აქტი, რომელსაც ეფუძნება დღევანდელი საქართველო სახელმწიფოებრივი სუვერინიტეტი, მუდმივად ებრძოდა სუკის მიერ წაქეზებული და დაფინანსებული პარტიების და წითელი ინტელიგენციის ნაწილი. განვლილმა პერიოდმა უტყუარად დაამტკიცა, რომ ზვიად გამსახურდია მართალი იყო და სწორედ ამხელდა უმრავლესობას, რადგან დღესაც კი თვალსაჩინოა, რომ ძალიან ბევრი იმზირება კრემლისკენ და არ სურთ საქართველოს დამოუკიდებლობა და სახელმწიფოებრიობა, ზოგი გადაგვარებული საქართველოს პატარა სოფელსაც კი უწოდებს და. მათი მთავარი ინტერესი არის მხოლოდ პირადი სიმდიდრის დაგროვება და საქართველო იარსებებს თუ არა არ აინტერისებთ. გამოუცდელი პოლიტიკოსობას აბრალებენ ზვიად გამსახურდიას და საინტერისოა ერთი წლის მანძილზე რა უნდა გაეკეთებინა იმაზე მეტი, რაც გააკეთა, კერძოდ ჩატარდა რეფერენდუმი, გამოცხადდა დამოუკიდებლობა, ჩატარდა პირველი საპრეზიდენტო არჩევნები და ასევე თვითმმართველობის არჩევნები და დაიწყო სახელმწიფო სტრუქტურების მშენებლობა და ეს ყველაფერი ხდებოდა იმ მძიმე პოლიტიკურ და ეკონომიკის ფონზე, როგორიც იყო იმდროინდელ საქართველოში. პარტიების ნაწილი რუსეთის წახალისებით აწყობდენენ დესტრუქციას, “ მხედრიონი” არბევდა ხალხს, ოსი სეპარატისტები ებრძოდენ საქართველოს, რაჭაში და იმერეთში მიწისძვრისგან დანგრეული სახლები შენდებოდა და წითელი ინტელიგენცია ტელევიზიის და უნივერსიტეტის კიბეებზე ისხდნენ გაურკვეველი სიტყვის თავისუფლების მოთხოვნით, ხოლო ზოგიერთა ქართული ( ეროვნულ დემოკრატიული)პარტია მოსკოვში ატარებდა პრესკონფერენციეებს ქართველების მხრიდან ოსების ვითომცდა გენოციდის თაობაზე. თითქმის შეუძლებელი გააკეთა ზვიად გამსახურდიამ მოკლე ხანში იმ უამრავ რუსეთის მეხოტბე აგენტების პირობებში, რაც იყო და 32 წლის შემდეგაც ასე უხვად, რომ არიან ქვეყანაში, რომლებიც მზად არიან მოახშონ საქართველოს დამოუკიდებლობა და მზად არიან ფაშისტ პუტინის მოთხოვნით და არგაღიზიანების პოლიტიკით საქართველო რუსეთის გუბერნიად იქცეს.
საქართველო მარადიულია და გაიმარჯვებს”
კომენტარები