“ლელოს” წევრი, ნიკა ჩერქეზიშვილი:
“დღეს ზოგი თქვენგანი მოუსმენდით ირაკლი ღარიბაშვილს.
რთული იყო, მაგრამ მე ბოლომდე ვუსმინე.
უმნიშვნელოვანეს კითხვებზე, ისეთი დაყენებული პასუხები ჰქონდა, აშკარაა, რომ ჩვენი ხელისუფლება ქილის რწყილებადაა ქცეული.
გსმენია, ჰო, ქილის რწყილების სინდრომზე?
რწყილებს საკუთარ სიმაღლესთან შედარებით 200-ჯერ მაღლა ახტომა შეუძლიათ.
ექსპერიმენტისას ისინი ქილაში მოათავსეს.
რწყილებმა ქილის მაღლა დაიწყეს ხტუნვა.
ქილა დახურეს და სამი დღის განმავლობაში ასე დატოვეს, გახსნის შემდეგ კი ზემოთ აღარ ხტოდნენ.
ქილიდან სრულიად გათავისუფლების შემდეგ მათმა გუნდმა ქილის ფორმა მიიღო და ასე დაიწყო გადაადგილება.
გასაკვირად, რწყილების შთამომავლებმაც, უფროსების მაგალითის მიხედვით, თავისუფალ სივრცეშიც ქილის ფორმით გადაადგილება დაიწყეს.
რწყილების ეს პარადოქსული რეაქცია არ იძლევა კონკრეტული მოცემულობის, “კომფორტის ზონის” იქით წასვლის საშუალებას მაშინაც კი, როდესაც ეს მოცემულობა აღარ არსებობს.
ჩვენი ხელისუფლებაც ეგრეა!
რუსეთი ირღვევა ჩვენს თვალწინ, მაგრამ ესენი ადეკვატურად ვერ რეაგირებენ ახალ დღის წესრიგზე.
რჩებიან ქილის ფორმაში.
ჩვენც თუ ასე გულხელდაკრეფილებმა ვუყურეთ ამ ყველაფერს, მიგვაღებინებენ ჩვენც ქილის ფორმას და გვახტუნავებენ თავის ჭკუაზე, რაც არ უნდა თავისუფალი სივრცეები შეიქმნას ჩვენს მეზობლად.
…
ვიდრე საბოლოოდ გავთავისუფლდებით მისგან, როგორც მინიმუმ – ქილას თავი აქვს ასახდელი, მეგობრებო!”
კომენტარები