კახა ბასილია უკრაინაში იმყოფება და სამოქალაქო პირებს წვრთნის იმ შემთხვევისთვის, თუ კიევში სახმელეთო შეჭრა მოხდება და საჭირო გახდება თავშესაფრებში გადასვლა.
-სამოქალაქო პირებს ვეხმარებით, თუ როგორ უნდა მოიქცნენ ექსტრემალურ სიტუაციაში. გვაქვს სპეციალური სიგნალები. დილის 5 საათზე შემოვიდა ზარი და ჩვენ გავედით ადგილებზე, ვიცოდით, რა უნდა გაგვეკეთებინა. იმ ხალხს, ვისაც გადაწყვეტილი აქვს, დატოვოს კიევი და ასეთი არის ბევრი, ვეხმარებით, როგორ უნდა ჩაალაგონ პირველადი მოხმარების ნივთები, დაბომბვის შემთხვევაში სად უნდა შეაფარონ თავი, წყალი სად არის და ა.შ. დილის 5 საათიდან ამ სიტუაციაში ვართ.
რაც 2008 წელს ხდებოდა საქართველოში, იგივე სიტუაციაა აქაც. რიგებია მაღაზიებში, რატომღაც აქაც ყიდულობენ საპირფარეშოს ქაღალდს. ბენზინზე დიდი რიგებია.
იმედია, სახმელეთო შეტევები არ იქნება, მაგრამ ყველაფრისთვის მზად ვართ. ყველა კორპუსს ჰყავს თავისი ხელმძღვანელი. ისინი ჩამოგვყავს თავშესაფრებში და ვასწავლით, თავიანთი ხალხი, კორპუსის მოსახლეობა როგორ უნდა წამოიყვანონ, ხალხმა რა უნდა იქონიოს თან, სად იქნება პროდუქტები და სამედიცინო მოხმარების პუნქტები, მამაკაცები სად უნდა მივიდნენ და ქალები და ბავშვები – სად… უკრაინა აუცილებლად გაიმარჯვებს.
წყარო
კომენტარები