რუსეთის პრეზიდენტმა, ვოლოდიმირ ზელენსკიმ მორიგი ბრიფინგი გამართა. მან რუსეთის მოქალაქეებს მოუწოდა, გააპროტესტონ უკრაინის წინააღმდეგ ბრძოლა.
„მინდა, მივმართო რუსეთის მოქალაქეებს, ყველას, ვინც რუსეთშია, ვისაც სინდისი არ დაუკარგავს, გამოდით, გამოხატეთ პროტესტი უკრაინასთან ომის წინააღმდეგ“, – აღნიშნა უკრაინის პრეზიდენტმა.
მან ინფორმაციულ ომზე გაამახვილა ყურადღება და უკრაინის მოქალაქეებთან ერთად, რუსებსაც მიმართა მიმართა.
„ვიცი, რომ თქვენ [რუსული] ტელეარხებით არ გაჩვენებენ ამ ინფორმაციას, სოცქსელებში ბევრი რამაა დაბლოკილი, თუმცა ისტორიის ბლოკირება შეუძლებელია. ამიტომ, უკრაინის ძვირფასო მოქალაქეებო, ვისაც ნათესავები გყავთ რუსეთში, მეგობრები, ვინც იცნობთ ჟურნალისტებს, ბლოგერებს, გთხოვთ, დაუკავშირდით მათ. მათ მუდმივად უნდა ილაპარაკონ ამაზე, რუსეთმა უნდა იცოდეს სიმართლე. ეს ძალიან მნიშვნელოვანია“, – აღნიშნა უკრაინის პრეზიდენტმა.
ვლადიმერ პუტინმა დონბასში „სპეციალური სამხედრო ოპერაციის“ ჩატარების გადაწყვეტილება მიიღო.
ვოლოდიმირ ზელენსკიმ უკრაინაში საომარი მდგომარეობა გამოაცხადა.
კომენტარები