ნიკო კვარაცხელიას მკვლელობის საქმეში ახალი ფიგურანტები ჩნდებიან. კერძოდ, როგორც ცნობილი ხდება, პირველი ქართული სოციალური ქსელის დამფუძნებლის მკვლელობის შემდეგ, გაქცეულმა ბრალდებულებმა, აკო ჭელიძემ და გიორგი კავილაძე ღამე მეგობრების სახლში გაატარეს, სადაც სავარაუდოდ, მკვლელობის დამკვეთებზე ილაპარაკეს.
არსებული ინფორმაციით, ბრალდებულება 15 სექტემბერს მკვლელობის შემდეგ, გიორგი ქარსელაძესა და ირაკლი ბიბილეიშვილს დანაშაულის მომზადების ყველა დეტალი, მათ შორის, მკვლელობის დამკვეთიც დაუსახელეს.
როგორც ჩანს, ეს ინფორმაცია აქვს ნიკო კვარაცხელიას დედასაც, რომელმაც საგანგებო წერილი გაავრცელა. სადაც წერს, რომ მისთვის ნიკოს მკვლელობის საქმის დღემდე უცნობი ფიგურანტების შესახებ ინფორმაცია გახდა ცნობილი.
ირკვევა, ისიც, რომ ბრალდებულ, გიორგი კავილაძეს აღიარებითი ჩვენება აქვს მიცემული, სადაც ის წამის სიზუსტით აღწერს 22 წლის ბიჭის მკვლელობის მომზადების საქმეს. დაკავებული საუბრობს, როგორ დაგეგმეს მან და აკო ჭელიძემ თავდასხმა.
„ტვ პირველის” ინფორმაციით, ბრალდებული ყვება, რა როლი აქვს მას ამ შეკვეთილ მკვლელობაში. მოკლული ბიჭის ოჯახის ინტერესების დამცველი, დაკავებულებს მოუწოდებს ითანამშრომლონ გამოძიებასთან და არც იმას გამორიცხავს, რომ ფაქტი შესაძლოა მათთვის შემანსუბუქებელი გარემოება გახდეს:
„ოჯახს აქვს გარკვეული ინფორმაცია, ვისთან, რა და როგორ ისაუბრეს ბრალდებულებმა, თბილისი პატარა ქალაქია და არაფერი იმალება. რაც ყველაზე მთავარია, ჩვენ ამის სამართლებრივი დადასტურება გვინდა. ჰვინდა რომ კავილაძემ და ჭელიძემ ამის შესახებ გამოძიებასთან ისაუბრონ, ვინ დაეხმარათ დანაშაულის ჩადენაში, ვინ გაუკეთა ორგანიზება და ვინ დაუკვეთა ეს უმძიმესი დანაშაული. ეს არის ერთმნიშვნელოვნად შეკვეთილი მკვლელობა, თუმცა ყველაზე მნიშვნელოვანია ვინ არიან შემკვეთები”- ამბობს ადვოკატი.
კომენტარები