ჟურნალისტი, გია გაბრიჭიძე:
“ნაციონალურმა მოძრაობამ და მათს თარგზე აწყობილმა ე.წ. ოპოზიციამ ფაქტობრივად ჩაისვარეს.
მიუხედავად იმისა, რომ ცდილობენ რაღაც წერტილოვანი ბწკენებით ქვეყანაში დესტაბილიზაცია გააღვივონ, უკვე აღარ გამოსდით.
დაკარგეს ის აღგზნებული მუხტი, როგორიც მაგალითად სააკაშვილის პატიმრობა, ან უკრაინისადმი მხარდაჭერის გამოხატვა იყო.
დაკარგეს იმ მარტივი მიზეზის გამო, რომ მათი ყველა მცდელობა სიყალბეზე და ადამიანების მოტყუებაზე იყო და არის აგებული.
სტანდარტია, რომ სიცრუით არამც თუ რევოლუცია, უბრალო არეულობის მოწყობაც შეუძლებელია.
სავარაუდოდ მათ ეს უნდა იცოდნენ, მაგრამ მათი მენტალობა, ფსიქოლოგიური არსი, უაზრო სიჯიუტე და ჟინი დაიბრუნონ დაკარგული ძალაუფლება, რეალობის განსაზღვრის საშუალებას არ აძლევთ.
არ აძლევთ იმ მანიაკების მსგავსად, რომლებმაც იციან, რომ მათი საქციელი ცუდია, მაგრამ შინაგან ხმას და ვნებას ვერ ეწინააღმდეგებიან.
ის რომ მუხტი დაკარგეს ასევე კარგად ჩანს სამი დეპუტატისთვის უფლებამოსილების შეწყვეტის შესახებ პარლამენტის გადაწყვეტილების ფაქტობრივად მდუმარე მოლოდინი.
მათ რომ ის შემართება ჰქონდეთ, რაც პირველ რიგში სიმართლით იქნებოდა განპირობებული, დღეს მრავალათასიანი აქცია ჩატარდებოდა. დასავლური ინსტიტუტების მეილები გაივსებოდა მათგან გაგზავნილი საჩივრებით, მაგრამ უნიათო, რიგითი განცხადებების მეტი არაფერი გახმიანებულა.
არ გახმიანებულა და არც გახმიანდება, რადგანაც ხალხმა ძალიან კარგად იცის, თუ ვინ არიან ნათელაშვილი, ჯაფარიძე და ხოშტარია.
ძალიან კარგად იციან, რომ ნათელაშვილისა და ჯაფარიძის „პოლიტიკური მოღვაწეობა“ მხოლოდ მომხვეჭელობის სურვილით არის გაჟღენთილი, ხოლო ხოშტარიას ყოვლად არაადეკვატური გამოხტომები (თუნდაც ბოლო – კიევის გარეუბნის ერთ ბოძზე რაღაც სტიკერის გაკვრა, შემდგომ მისთვის ფოტოს გადაღება და ქართული მედიით გავრცელება, არც პოლიტიკაა და არც უკრაინელი ხალხისთვის მხარდაჭერა), არანაირად არ არის მიმართული სახელმწიფოს და ქართველი ხალხის კეთილდღეობისკენ.
ასე რომ გადაწყვეტილება მათთვის დეპუტატის უფლებამოსილების შეჩერების შესახებ ნამდვილად მისაღებია და მისაღებია პირველ რიგში ქართული პოლიტიკური სპექტრის გასუფთავების გამო”
კომენტარები