“პირველ რიგში, „ოცნების“ ხელისუფლებას მიმართოს, თავად დაივიწყონ სიძულვილი, ყველა განსხვავებული და განსაკუთრებით საღი აზრის მქონე ადამიანს, ან „ნაცს“ ან ქვეყნის მოღალატეს რომ ეძახიან!” -ასე ეხმაურება პოლიტიკური პარტია „ტრიბუნას“ ლიდერი დავით ჭიჭინაძე საქართველოს პრეზიდენტის სალომე ზურაბიშვილის განცხადებას და უსვავს კითხვას, პრეზიდენტად რომ ირჩევდნენ, მაშინ არ იყო საზოგადოება დაავადებული?
ჭიჭინაძის თქმით, პრეზიდენტი არ არის დამოუკიდებელი და ის სხვისი პირით გვესაუბრება.
„კითხვა მაქვს, ზურაბიშვილს პრეზიდენტად რომ ირჩევდნენ, მაშინ არ იყო საზოგადოება დაავადებული?!
სიძულვილის ენას რაც შეეხება, პირველ რიგში, „ოცნების“ ხელისუფლებას მიმართოს, თავად დაივიწყონ სიძულვილი, ყველა განსხვავებული და განსაკუთრებით საღი აზრის მქონე ადამიანს, ან „ნაცს“ ან ქვეყნის მოღალატეს რომ ეძახიან!
მოკლედ, პრეზიდენტი არ არის დამოუკიდებელი, ის მხარეა, ვინც სხვისი პირით გვესაუბრება, სხვის ხუშტურზე დადის და შესაბამისად, არ არის იმ ლეგიტიმაციის ადამიანი, ვისაც ჩვენი უახლოესი ისტორიის შეფასება შუძლია, მითუმეტეს, თუ მის არალეგიტიმურ არჩევნებს გავიხსენებთ,“- განაცხადა დავით ჭიჭინაძემ.
ცნობისათვის, პრეზიდენტის განცხადებით, ჩვენი საზოგადოება არის დაავადებული, ჩვენი ქვეყანა არის დაავადებული. ჩვენ უნდა მოვნახოთ ჩვენში იმის უნარი, რომ გამოვჯანმრთელდეთ. მისი თქმით, არსებობს რაღაც პრინციპები, რომელზეც საზოგადოება უნდა შეთანხმდეს და არ დაიწყოს „ქექვა თუ ზუსტად რა მოხდა“.
პრეზიდენტმა ასევე აღნიშნა, რომ უნდა გამოვაცხადოთ მორატორიუმი სიძულვილის ენაზე ცოტა ხანი მაინც და ვნახოთ, რამდენად შვებას მოუტანს საზოგადოებას.
კომენტარები