ჟურნალი „ტაბულა”- ს დამფუძნებელი თამარ ჩერგოლეიშვილი სოციალურ ქსელში წერს:
“80-იან წლებში, ეროვნული მოძრაობა უკვე ძალას რომ იკრებდა და ცვლილებების სუნი იგრძნობოდა, ტელევიზორში გაუშვეს ფილმი, სახელად – ლედი კარატე. ერთი მომენტი მახსოვს – ამ ლედი კარატეს ფეხებით ჩამოკიდებენ, იწვალებს, თავს გაითავისუფლებს და მერე, ყველას მოუგებს. ჩემი როლე მოდელ იყო კარგა ხანს (ყველაზე ლამაზი და მომხიბვლელი მეგონა). ვაფრენდი, როგორ იხსნის თავს – ამის დანახვაზე.
ცხადია, აღარც ფილმი მახსოვს და არც მისი შინაარსი, მაგრამ ფეხებით ჩამოკიდებული ქალი, სულ ჩემთანაა.
ახლა რაღაცას დავწერ და სწორად უნდა გამიგოთ…
გუშინ ხომ სამარცხვინო რეზოლუციის ამბავი ტრიალებდა? ქოცების რეზოლუცია რუსეთის ხსენების გარეშე – ეს იყო თემა.
აი, მაგ დროს, ზუსტად მაგ დროს რუსეთის ყოფილ საელჩოზე, სადაც ახლა რუსების სექცია ზის – ანუ რუსები მუშაობენ და გუშინაც იქ იყვნენ – ფრიალებდა უკრაინის და ნატოს გიგანტური დროშა უკრაინის და ნატოს ჰიმნის, ჩერჩილის, რეიგანის, იოანე პავლე მეორეს, მერაბ კოსტავას, ჩერნოვილის სიტყვების თანხლებით.
რუსეთის ყოფილ საელჩოზე ფრიალებდა ნატო-ს და უკრაინის დროშა, ზედ იღბლის ქართული ყვავილით!
ეს აქცია თვალში მოხვდათ ამერიკელ, უკრაინელ მოლდოველ, ისრაელელ ჟურნალისტებს – ტვიტავენ, აშუქებენ, აშიარებენ, აშუქებს უკრაინული და არა მარტო უკრაინული მედია – მოკლედ, საერთაშორისო ამბავი შეიქმნა, არაფერი გადამწყვეტი, მაგრამ საერთაშორისოდ შუქდება.
რა შეიძლებოდა გაეშვა ქართულ პროდასავლურ ოპოზიციურ მედიას პირდაპირ ეთერში ამაზე უკეთესი? რუსეთის ყოფილ საელჩოზე ნატო-ს და უკრაინის გიგანტური დროშა რომ ფრიალებს, ხომაა კარგი პასუხი ქოცების რეზოლუციაზე? საქართველო ჩვენთანაა – ასე აშუქებს ამ მოვლენას უნიანი.
ჰოდა, აი, ქართულ “პროდასავლურ” ოპოზიციურ მედიას პირდაპირში ნიუსად ეს აქცია არ გაუშვია! არ გაუშვია იმიტომ, რომ მიშას არ ეხება და კრედიტს ის ვერ დაიწერს.
ახლა რა მინდა რომ სწორად გამიგოთ.
ეგოისტურად მე ეს მსიამოვნებს. ცუდი ხალხი რომ ასე იქცევა, მსიამოვნებს! თან ძალიან! შესაძლებლობად ვხედავ და ჩემი რაცაა, აქედანაც მომაქვს კანონზომიერ გაგრძელებას ვხედავ და ის ჩემი ლედი კარატეც მახსენდება.
დაუძინებელო მეგობრებო, ასე გააგრძელეთ – მე პირადად, ეს განვითარებაში და გაზრდაში მეხმარება და ფინალითაც მაგრად ვისიამოვნებ.
უბრალოდ, ამ ჯინიანობაში, ქვეყანა და მისი ინტერესები გავიწყდებათ და საკუთარ თავსაც ასუსტებთ”, – წერს ჩერგოლეიშვილი “ფეისბუქი”-ს პირად გვერდზე.
კომენტარები