ევროპული საქართველოს ლიდერები უკრაინის ელჩს ხვდებიან, რათა დაადასტურონ საკუთარი მხარდაჭერა მეგობარი სახელმწიფოს მიმართ და მიიღონ ინფორმაცია, რა ხდება უკრაინა-რუსეთის დაპირისპირების საკითხზე. შეხვედრის წინ პოლიტიკოსებთან ჟურნალისტებთან უკრაინის საკითხის მიმართ ქართული ოცნების პოლიტიკაზე ისაუბრეს.
ყველა ნორმალური პოლიტიკური ძალის ინტერესია კომუნიკაცია ამ დროს ჩვენს სტრატეგიულ პარტნიორთან, უკრაინასთან, რომელიც განსაცდელშია. ეს ყველაფერი კიდევ უფრო გამძაფრებულია იმ სირცხვილით, რაც გვაჭამა ჩვენმა მთავრობამ ყველას თვალში. ამას ვერ გამოასწორებს ოპოზიციის აქტიურობა, სანამ მთავრობას არ გამოვცვლით. სანამ არ გამოვცვლით ამ სამარცხვინო გაუგებრობას, ბუნებრივია, ჩვენი ხმა მაინც უნდა გავაგონოთ. საქართველოს ხელისუფლებას კონიუქტურის განცდაც კი ვერ ეყო, რომ რუსეთი ეხსენებინათ. – განაცხადა ,,ევროპული საქართველოს” ლიდერმა, გიგა ბოკერიამ.
“ის, რაც ხდება პარლამენტში რეზოლუციასთან დაკავშირებით, კიდევ ერთხელ მკაფიოდ გამოხატავს იმ მძიმე კრიზისს, რომელიც არის ქართული ოცნების ასეთი პოზიციების გამო ზოგადად ქვეყანაშიც და კონკრეტულად ამ საკითხთან, იმ უმოქმედობას, გაუგებარ, მავნებლურ პოზიციას ქვეყნისთვის. როგორ შეიძლება ლაპარაკობდე ამ ვითარებაში კონფლიქტზე, უსაფრთხოებაზე, რუსეთის მოქმედებაზე და რუსეთს არ ახსენებდე რეზოლუციაში. ეს სრულიად გაუგებარია, არადეკვატურია და ძალიან სამწუხაროა, რაც ხდება. მე ვფიქრობ, რომ რაღაც ბოლო უნდა ჰქონდეს ამ ყველაფერს, ამიტომ ვცდილობთ პოლიტიკური ძალები, რომ კომპენსაცია მოვახდინოთ ამ სამარცხვინო საქციელის, რომელსაც ჩვენ ვხედავთ ქართული ოცნების მხრიდან”. – აღნიშნა პარტიის პოლიტსაბჭოს თავჯდომარემ, გიგი წერეთელმა.
კომენტარები