უკრაინის მხარდამჭერ რეზოლუციას და მის გარშემო არსებულ ვნებათაღელვას ეხმაურება სოციალურ ქსელში საქართველოს რესპუბლიკის პირველი მოწვევის უზენაესი საბჭოს წევრი გოგი ჩიქავა.
„გადამრევს ეს ხალხი. უკრაინის მხარდამჭერი რეზოლუციაზე კამათობენ გავრილოვის პარლამენტში. ოპოზიციას ნამდვილად უკვირს ის, რომ ხელისუფლება სათანადო რეზოლუციას არ იღებს?“ – წერს გოგი ჩიქავა.
მისი თქმით, დროა ოპოზიციამ დამოუკიდებლად მიიღოს საჭირო დოკუმენტი და დამოუკიდებელი ნაბიჯები გადადგას.
„კობახიძის, პაპუაშვილის ელისაშვილის თუ სხვა მენამცეცეთა ჯოგი ბიძინას გარეშე რას მიიღებს? სულ არ ჰკიდიათ უკრაინა? საქართველო დაიკიდეს დიდი ხანია, ევროპარლამენტარებს ემალებიან და ოპოზიცია კი ამ გავრილოვებისგან რუსეთის პოზიციის დასაგმობ რეზოლუციას ელოდება.
ოპოზიცია რატომ უნდა იყოს ასე ძალად მიბმული საოკუპაციო რეჟიმს? გითხრეს უკვე რამდენიმე ადამიანმა. გააკეთეთ განცხადება ცალკე. რამდენიმე ათეული პარლამენტარი თუ ოპოზიციური პარტიის ლიდერებმა ჩაატარეთ პრესკონფერენცია, მიიღეთ დოკუმენტი და ჩადით უკრაინაში. ქალბატონ მამულაშვილს გამცილებელი მაინც არ გააყოლეთ?
რატომ აპირებთ ძალად ევერესტზე უფრო მაღალი მწვერვალის ძებნას? მმართველი – რუსული საოკუპაციო რეჟიმი არასოდეს იქნება უკრაინის ღიად მხარდამჭერი და პუტინის პოლიტიკის დამგმობი. სირცხვილია.
ისინი(პრეზიდენტები) ომის დროს ჩვენთან ჩამოვიდნენ და ქუჩაში აპროტესტებდნენ რუსულ აგრესიას და ჩვენ კი რუსულ რეჟიმს ვეხვეწებით უკრაინის მხარდაჭერას.
დაიკიდეთ მმართველი ძალა და წადით უკრაინაში. მათ საქართველოს ბედი ჰკიდიათ და მითუმეტეს უკრაინის. უკრაინის თავისუფლება ჩვენთვისაც შანსია,”- წერს გოგი ჩიქავა.
კომენტარები