რას ემსახურება ანაკლიაზე რუსეთის იერიშის გახმოვანება? – ანალიტიკოსი ამირან სალუქვაძე უკრაინაში მოსალოდნელ სამხედრო კონფლიქტთან დაკავშირებით მიხეილ სააკაშვილის ბოლოდროინდელ განცხადებებს ეხმიანება.
„რამდენ მავნებლობას სჩადიან?!ერთი მხრივ სააკაშვილი თავისი ფეისბუკით აანონსებს რუსეთის მხრიდან ანაკლიაზე იერიშის მიტანას, მეორე მხრივ ენმ-ის მედია საშუალებები ავრცელებენ უკრაინაში ქართველი მეომრების მონაცემებს.არ ესმით, რომ რუსეთს ეს მეომრები თავის სიაში შეჰყავთ და მათ სამიზნედ აქცევენ? არის სხვა გამოწვევებიც, თუმცა ამათ ვერ გააგებინებ.რაც შეეხება სააკაშვილის “ბრძნულ” პროგნოზს. უკრაინის პრეზიდენტმა, თავდაცვის მინისტრმა, სხვებმა რამდენიმე განცხადება გააკეთეს, რათა შესაძლო ომის აჟიოტაჟი შეემცირებინათ, რადგან პირდაპირ ურტყამს ისედაც მძიმე მდგომარეობაში მყოფ უკრაინის ეკონომიკას.სააკაშვილის ფეისბუკ გვერდს მილიონზე მეტი გამომწერი ჰყავს უკრაინელი და რუსულენოვანი მომხმარებლების ხარჯზე. ამიტომაა, რომ თითქმის ყველა პოსტს რუსულად თარგმნის.ძალიან კარგად იცის, რომ მის პოსტებს კითხულობენ. კითხულობენ რუსეთშიც.რას ემსახურება ანაკლიაზე რუსეთის იერიშის გახმოვანება? ჰგონია მას აქვს მხოლოდ ტვინი და სხვა ვერ ხვდება, რომ თუ დღევანდელი დაძაბულობა ფართომასშტაბიან ომში გადაიზარდა, საფრთხე ჩვენც გვემუქრება? სტუდენტიც ხვდება მაგდენს, ოღონდ პანიკას არავინ წევს“ – წერს სალუქვაძე.
ცნობისთვის, მიხეილ სააკაშვილის თქმით, აქვს ინფორმაცია, რომ თუ რუსეთი უკრაინაში თავისი ფართომასშტაბიანი გეგმის განხორციელებას დაიწყებს, პარალელურად ანაკლიის დაკავებასაც აპირებს და ასევე, შეეცდება დასავლეთს გადაუკეტოს ფოთის პორტის გამოყენების საშუალება.
“ჩემი ინფორმაციით, თუ რუსეთმა დაიწყო უკრაინაში ფართომასშტაბიანი გეგმის განხორციელება, ის იმავე დღეებში ანაკლიის დაკავებასა და ასევე, სამეგრელოში უფრო ღრმად, სამხედრო რეიდებს აპირებს. მათ შორის ფოთის პორტში, რათა დასავლეთს გადაუკეტოს ჩვენი პორტების ახლა გამოყენებისა და მომავალში ანაკლია/ლაზიკა პორტის მშენებლობა.ამ სცენარზე ამერიკაში ბოლო ჩასვლისას, ძალიან ინფორმირებული წყარო მესაუბრა. უფრო მეტიც, პენტაგონში, ლუიზიანას შტატში ჩატარებული სწავლებების დროს ანაკლიის დაცვის სცენარი გავლილი აქვთ სამხედრო ბრიგადის დონეზე“ – განაცხადა სააკაშვილმა.
კომენტარები