იტალიაში, ნაპოლში გაუჩინარებულ ქართველ ემიგრანტს მესამე დღეა ეძებენ. 27 წლის სალომე ტეტუნაშვილი, სახლიდან გუშინწინ გავიდა და მას შემდეგ არავის უნახავს.
გავრცელებული ინფორმაციით, ტეტუნაშვილი ნაპოლში მოხუცი ქალბატონის დამხმარედ მუშაობდა. თავად ტეტუნაშვილის ოჯახის წევრებიც ნაპოლში ცხოვრობენ.
გაუჩინარებული ემიგრანტის ძმა, აკაკი ტეტუნაშვიული “ტვ პირველთან” ამბობს, რომ მისი და, იმ სახლიდან, სადაც ბოლო სამი წლის განმავლობაში მუშაობდა 21 იანვარს, საღამოს 21:00 საათზე გაუჩინარდა. ოჯახს კი მომხდარის შესახებ მხოლოდ 4 საათის დაგვიანებით შეატყობინეს.
„კამერების ჩანაწერები ამოღებული არ არის. ჩვენ არცერთ ვერსიას არ განმოვრიცხავთ. ბებო, რომელსაც უვლიდა, ამბობს, რომ კარების ხმა გაიგო, თუმცა რომ გამოვიდა უკვე წასული იყო. ჩემ დას თან საფულეც კი არ ჰქონდა წაღებული. პირველი და უმთავრესი კითხვები სწორედ ამ ოჯახთან გვაქვს”- აცხადებს გაუჩინარებულის ძმა.
სალომე ტეტუნაშვილის ოჯახის კიდევ ერთი ახლობელი ამბპბს, რომ ახალგაზრდა ქალს ბოლო კომუნიკაცია მეგობართან ჰქონდა, რომელსაც უთხრა, რომ მოხუცმა მძიმე ხასიათზე გაიღვიძა:
გაუჩინარების დღეს მიწერა მეგობარს და უთხრა, რომ მოხუცმა, რომელსაც უვლიდა, გაიღვიძა, მაგრამ ისეთ ხასიათზეა, შეიძლება მომკლას! ამის შემდეგ, მისი კვალი იკარგება”- აცხადებს ახლობელი.
კომენტარები