„მოვინახულე იმიტომ, რომ სახარებაში პირდაპირ გვიწერია..“ – მეუფე ნიკოლოზი მიხეილ სააკაშვილს შეხვდა

რუსთავის მე-12 დაწესებულებაში მესამე პრეზიდენტი მეუფე ნიკოლოზმა მოინახულა.  „სახარებაში პირდაპირ გვიწერია, რომ პატიმრის მონახულება ეს არის შვიდი ხორციელი მოწყალების საქმიდან ერთ-ერთი უმნიშვნელოვანესი“ – განაცხადა მეუფემ ჟურნალისტებთან.

“მე მოვინახულე, ესე რომ ვთქვათ, რაც დღეს გავაკეთე, ამას ჰქვია პატიმრის მონახულება, მოვინახულე უბრალოდ, იმიტომ, რომ სახარებაში პირდაპირ გვიწერია, რომ პატიმრის მონახულება ეს არის შვიდი ხორციელი მოწყალების საქმიდან ერთ-ერთი უმნიშვნელოვანესი, ჩემი პირდაპირი მოვალეობა, რადგან შემიძლია მივიდე, ყოველგვარი დაბრკოლების გარეშე, როდესაც შევძლებ მე თვითონ და მოვახერხებ და მოვინახულო, ამიტომ, ეს არის ჩემი ვალდებულება და ვაკეთებ ამას და მივდივარ. დღეს ამჯერად რაც გავაკეთე, იყო ჩვეულებრივი, რიგითი მონახულება, შევხვდით, ვისაუბრეთ ბევრ სხვადასხვა საკითხზე”, – თქვა მეუფე ნიკოლოზმა.