წამების და დამამცირებელი მოპყრობის მსხვერპლი არასრუწლოვანის საქმეზე შესაძლოა, დამნაშავე პირთა წრე გაიზარდოს. ,,პირველებისთვის” მოწოდებული ინფორმაციის თანახმად, შშმ პირი სამართლდამცველების სამიზნე წარსულშიც არაერთხელ გაამხდარა, თუმცა, ამ ინფორმაციის საფუძველზე გამოძიება არ დაწყებულა.
დაზარალებულის მეზობელმა ტვ პირველთან განაცხადა, რომ 2 წლის წინ 17 წლის შშმ პირზე გამომძიებელმა ირაკლი აბსანძემ იძალადა და სასურველი ჩვენების მიღების მიზნით ფიზიკური შეურაცხყოფა მიაყენა.
ეს ოჯახი მართლა შეშინებულია, სტრესის ქვეშ არის, ერთხელ იყო პოლიციაში ჩაყვანილი. ფსიქოლოგიური ზეწოლა იყო ამ ბავშვზე. ეს იყო 2 წლის წინ, როცა გამომძიებელმა ირაკლი აბსანძემ ზეწოლა მოახდინა ამ ბავშვზე, ისეთი ზეწოლა განახორციელა, რომ შემოატრალა ბავშვის ჩვენება, თითქოს დედა სცემდა, მამა სცემდა, ტყუილი ათქმევინა.
ისიც კი გამიგია, რომ გამომძიებელ ირაკლი აბსანძეს ბავშვისთვის ხელიც კი გაურტყამს ორჯერ, რომ განცხადებაზე ხელის მოეწერა, რომ თითქოს მამა ძალადობდა მასზე.- აცხადებს ,,ტვ პირველთან” საუბრისას დაზარალებული ლეონ.ა-ს მეზობელი.
პოლიციელის მხროდან შშმ პირზე ძალადობის შემზარავი კადრები “ტვ პირველმა” 2 დღის წინ გაავრცელა.
კომენტარები