ერთი კვირის განმავლობაში, კოვიდ-19-ით მსოფლიოში ადამიანების რეკორდული რაოდენობა დაინფიცირდა – გასული კვირის განმავლობაში, კოვიდ-19-ის 21 მილიონზე მეტი ახალი შემთხვევა გამოვლინდა.
მონაცემებს მსოფლიო ჯანდაცვის ორგანიზაცია ექვს რეგიონზე დაყრდნობით ავრცელებს.
როგორც ორგანიზაციაში აცხადებენ, ეს რეკორდულად მაღალი ყოველკვირეული მაჩვენებელია პანდემიის დაწყების დღიდან.
ამავე პერიოდში, მსოფლიოში კოვიდ-19-ს 50 000-მდე ადამიანი ემსხვერპლა.
WHO-ს მონაცემებით, ინფიცირების ახალი შემთხვევებიდან 47% ევროპის რეგიონში დაფიქსირდა..
ამავე მონაცემების მიხედვით:
17-23 იანვრის პერიოდში ინფიცირების ყველაზე მეტი შემთხვევა – 4 215 852, აშშ-ში დაფიქსირდა;
მეორე ადგილზე საფრანგეთია – 2 443 821 შემთხვევით;
მესამე ადგილზე ინდოეთი – 2 115 100 ინფიცირებულით.
კომენტარები