კულტურის მინისტრის ახალი სამიზნე გორის თეატრის აღმოჩნდა. დავით ჩარტიშვილი სამხატვრო ხელმძღვანელის თანამდებობიდან გაათავისუფლეს. მისი სახლში გაშვების მიზეზი სავარაუდოდ, პოლიტიკური შეხედედულებებია.
“პირველებმა” გაარკვია, რომ დავით ჩხარტიშვილი გათავისუფლებამდე თეა წულუკიანმა კაბინეტში დაიბარა, შენიშვნები მისცა და სამსახურიდან წასვლა მოსთხოვა.
რამ გამოიწვია კულტურის მინისტრის უკმაყოფილება, გორის თეატრის ყოფილი სამხატვრო ხელმძღვანელი საუბარს ერიდება.
მე ველოდები შესაძლო ოფიციალურ თუ არაოფიციალურ განცხადებას და მას შემდეგ ვაპირებ, რომ მეც გავაკეთო განცხადება. ალბათ თითონვე იტყვის რატომ არ გამიგრძელა ხელშეკრულება, – ამბობს დავით ჩხარტიშვილი.
ის, რომ სამსახურიდან გაშვებამდე თეა წულუკიანმა ჩარტიშვილი კაბინეტშ დაიბარა, მსახიობებიც ადასტურებენ. ისინი არ მალავენ, რომ დავით ჩარტიშვილს საკუთარი ხედვები ჰქონდა, რასაც მინისტრი არ იზიარებდა.
ჩამოვიდა და ადამიანმა თქვა, რომ მე ვიყავი მინისტრთან შესული და ჩემი საკითხი უარყოფითად არის გადაწყვეტილი. ფაქტობრივად, დაგვემშვიდობა. ჩვენ ეს ინფორმაცია გვაქვს მხოლოდ, – ამბობს გორის თეატრის მსახიობი მერაბ ჭანკოტაძე.
ადგილობრივი ოპოზიცია კულტურის მინისტრის ქმედებებს საბჭოურ სადამსჯელო ოპერაციად აფასებს.
კულტურის უკულტურო მინისტრმა, ქალბატონმა წულუკიანმა დაიწყო რეპრესიები განსხვავებული აზრის მქონდე ადამიანების მიმართ. სამწუხაროდ, ეს შეეხება ყველას, ვინც არ ამოიღებს ხმას. დღევდანელი რეპრესიები მოგვაგონებს საბჭოთა პერიოდს, როდესაც სრული განუკითხაობა იყო და სადამსჯელო ოპერაციებს ახორციელებდნენ ადამიანებს მიმართ, – ამბობს ადგილობრივი ოპოზიციის წარმოამდგენელი.
კომენტარები