კორონავირუსის ახალი შტამის – „ომიკრონის“ გავრცელების ფონზე, იაპონიაში კოვიდინფიცირების დღიურმა მაჩვენებელმა 50 000-ს პირველად გადააჭარბა. ერთ დღეში ვირუსი 50 200-ზე მეტ ადამიანს დაუდგინდა, – ამის შესახებ Reuters-ი წერს.
ქვეყნის დედაქალაქში ერთ დღეში 10 000-ზე მეტი შემთხვევა გამოვლინდა და დღიურად ინფიცირების მაჩვენებელთა შორის, უკანასკნელი მონაცემები მე-4 ადგილზეა.
ტოკიოში არსებული საავადმყოფოების საწოლების 34,4% კორონავირუსით ინფიცრებულ პაციენტებს უკავიათ. იმ შემთხვევაში, თუ ეს მონაცემი 50%-ს გაუტოლდება, ქალაქში საგანგებო მდგომარეობა გამოცხადდება და შეზღუდვები გამკაცრდება.
21 იანვრის მონაცემებით, იაპონიის მოსახლეობის 78,7% კოვიდვაქცინის 2 დოზითაა აცრილი, თუმცა მხოლოდ 1,5%-მა მიიღო ბუსტერ დოზა.
რამდენიმე დღის წინ, ჯანდაცვის სამინისტრომ Pfizer-ის გამოყენება 5-დან 11 წლამდე ბავშვებშიც დაუშვა.
კომენტარები