“ქართული ოცნების” დეპუტატის, ირაკლი ქადაგიშვილის თქმით, საქართველოს პარლამენტი უკრაინაში მიმდინარე პროცესებთან დაკავშირებით განცხადებას რეზოლუციის სახით მაშინ გააკთებს, “როცა ამის საჭიროება იქნება”.
როგორც ქადაგიშვილმა თქვა, უკრაინას საქართველოსგან მხარდაჭერა უპირობოდ გააჩნია.
“ჩვენი პოლიტიკა ამ მიმართულებით ზუსტად თანხვედრაშია, NATO-სთან. საქართველოს ხელისუფლებამ ორჯერ, ზელენსკისთან შეხვედრაზე, როგორც უკრაინაში, ასევე საქართველოში, ამის სრული დემონსტრაცია მოახდინა და ჩვენი უპირობო მხარდაჭერა, იმ აგრესიის საწინააღმდეგოდ, რა აგრესიაც შესაძლოა, რუსეთის მხრიდან განხორციელდეს ამ პერიოდში ეს მხარდაჭერა უპირობოდ გააჩნია.
პარლამენტი თავის განცხადებას, რეზოლუციის სახით უკრაინასთან დაკავშირებით გააკეთებს, როცა ამის აუცილებლობა და საჭიროება იქნება”, – თქვა ირაკლი ქადაგიშვილმა.
ცნობისთვის, უკრაინის გარშემო სიტუაცია კვლავ დაძაბულია. ვრცელდება ინფორმაცია, რომ რუსეთი უკრაინაში შეჭრისთვის ემზადება. CNN-ის ცნობით, რუსეთმა ოპერატიულ ჯგუფს აღმოსავლეთ უკრაინაში ოპერაციის ჩატარება დაავალა, რომ ქვეყანაში შეჭრისთვის საბაბი შექმნას.
კომენტარები