“როცა მოიხდის სასჯელს, თუ ის ბერად შედგომას გადაწყვეტს, შეუძლია წავიდეს მეუფე ნიკოლოზთან ან რომელ მონასტერშიც უნდა, მაგრამ ყველა შემთხვევაში მახსენდება სულხან-საბას ცნობილი იგავი „მოძღვარი მელი“ და რამდენად გამოდგება ეს ადამიანი მოძღვრად, ვერ გეტყვით“ – ასე გამოეხმაურა „ქართული ოცნების“ დეპუტატი სოზარ სუბარი მეუფე ნიკოლოზის ინიციატივას მიხეილ სააკაშვილის შინაპატიმრობაზე.
…მინდა კიდევ ერთი განცხადება გავაკეთო, ჩვენს ხელისუფლებას მივმართო, რომ მე მაგალითად, პირადადაც კი, თანახმა ვარ, ვითანამშრომლო ხელისუფლებასთან და თუ რაიმე სხვა გამოსავალი არ არსებობს, ჩემს ეპარქიაში, ჩემთან შემიძლია გამოვუყო რაღაცა სივრცე, რომელსაც, რა თქმა უნდა, ხელისუფლება გააკონტროლებს და მგონი ძალიან ბევრი პრობლემა მოიხსნება იმით, რომ ის შიდა პატიმრობაში გადმოიყვანონ… ხელისუფლებამ უნდა უზრუნველყოს დაცვაც და ყველაფერი… რატომ უნდა გადაიყვანონ უკრაინაში, მოიხადოს აქ… მე ვთავაზობ საქართველოს ხელისუფლებას, ყველანაირად ვითანამშრომლებდი მათთან იმაზე რომ ყველა პირობა რაც წესი და რიგია იყოს დაცული, – განაცხადა მეუფე ნიკოლოზმა.
კომენტარები