ჩასწორება:
ინფორმაციის გავრცელებიდან რამდენიმე დღეში, საფრანგეთი–საქართველოს ურთიერთთანამშრომლობის გენერალური ასამბლეის აღმასრულებელმა დირექტორმა, ნუგზარ სულაშვილმა გაარკვია, რომ ინფორმაცია არ შეესაბამება სინამდვილეს.
საფრანგეთში პროდუქტების ქურდობის ბრალდებით, საქართველოს 2 მოქალაქე დააკავეს.
ადგილობრივი მედიის ინფორმაციით, მათ 80 შეკვრა კარაქის, 32 ცალი სნიკერსის, 12 ცალი ქინდერის, 6 ბაუნტისა და რამდენიმე “ტვიქსის” მოპარვას ედავებიან.
“შესაძლოა, ერთი შეხედვით ღიმილის მომგვრელი ქმედება “კანონიერ ქურდებს” – ქართული მაფიის კარგად ორგანიზებულ ქსელს უკავშირდებოდეს, რომელიც რეგიონს 2018 წლიდან აწუხებს”, – ვკითხულობთ სტატიაში.
ცნობისთვის, მსგავსი დანაშაულისათვის იანვრის დასაწყისში საქართველოს 3 მოქალაქეს პატიმრობა უკვე მიესაჯა.
კომენტარები