საფრანგეთში პარლამენტმა საბოლოოდ დაამტკიცა კანონი, რომელიც არავაქცინირებულ ადამიანებს რესტორნებში, სპორტულ მოედნებსა და სხვა დაწესებულებებში შესვლას უკრძალავს. ამასთანავე, ისინი ვერ ისარგებლებენ მატარებლითა და შიდა ფრენებით.
კანონპროექტი 215 მომხრე, 58 წინააღმდეგით მიიღეს, შედეგად ის უახლოეს დღეებში ამოქმედდება.
ცნობისთვის, საფრანგეთის პრეზიდენტმა, ემანუელ მაკრონმა განაცხადა, რომ ძალიან გაურთულებს ცხოვრებას იმ მოქალაქეებს, რომლებსაც კორონავირუსის საწინააღმდეგო ვაქცინის გაკეთება არ სურთ. ამის შესახებ პრეზიდენტმა Le Parisien-თან მიცემულ ინტერვიუში განაცხადა.
”მე არ მინდა ფრანგი ხალხის გაბრაზება, მაგრამ რაც შეეხება არავაქცინირებულებს, ძალიან მინდა მათი გაბრაზება. და ჩვენ გავაგრძელებთ ამას ბოლომდე. ეს არის სტრატეგია.
დემოკრატიაში ყველაზე ცუდი მტერი სიცრუე და სისულელეა. ჩვენ ვახდენთ ზეწოლას არავაქცინირებულებზე, რაც შეიძლება მეტად უნდა შევზღუდოთ მათი ხელმისაწვდომობა სოციალურ ცხოვრებაში.
მე არ გავუშვებ მათ ციხეში, ამიტომ უნდა ვუთხრათ, რომ 15 იანვრიდან ვერ წავლენ რესტორანში, ვერ დალევენ ყავას, ვერ წავლენ თეატრსა თუ კინოში
როდესაც ჩემი თავისუფლება, სხვების თავისუფლებას ემუქრება, მე ვხდები უპასუხისმგებლო ადამიანი. ვინმე უპასუხისმგებლო, არ არის მოქალაქე“.“ – განაცხადა მაკრონმა.
აღსანიშნავია, რომ კანონი ითვალისწინებს მკაცრ სასჯელს იმ პირებისთვის, ვინც ყალბი კოვიდსაშვით ისარგებლებენ. ამჟამინდელი ჯარიმა- €135 გაიზარდა €1 000-მდე.
კომენტარები