სწრაფი ტესტები კორონავირუსის ახალ შტამს “ომიკრონს” ვერ აფიქსირებს, რაც ქვეყანაში ვირუსის უკონტროლო გავრცელებას იწვევს.
ექიმები მიიჩნევენ, რომ PCR ტესტირებაზე გარკვეული ფინანსური შეღავათები დაწესდეს, რათა მასობრივი გავრცელების პრევენცია მოხდეს:
“ომიკრონის შემთხვევაში, სწრაფი ტესტი არის ცრუ უარყოფითი, ეს უკვე ცნობილი ფაქტია, შესაბამისად, ადამიანებს სურვილი უჩნდებათ, რომ ჩაიტარონ PCR კვლევა, რომელიც არის 70-დან 100 ლარამდე. სასურველია, რომ დადასტურებული კონტაქტები მაინც დაფინანსებულ იქნეს. წინააღმდეგ შემთხვევაში ომიკრონის გავრცელებას ჩვენ ვერანაირ საზღვრებს ვერ მოვუნახავთ”, – აცხადებს ექიმი ლევან ფერაძე.
“ამ კრიტიკულ პერიოდში შესაძლებელი უნდა იყოს უფასო ტესტირება, რადგან ძალიან მნიშვნელოვანია დროული დიაგნოსტიკა. ეს ჯანდაცვის სამინისტროს უნდა ჰქონოდა უკვე მომზადებული. 50 ტესტი დღეში რეალურად არაფერი არ არის”, – ამბობს ვახტანგ კალოიანი.
კომენტარები