მოსამართლე კოტე ჭილაიამ დაცვის მხარის ერთ-ერთი შუამდგომლობა არ დააკმაყოფილა და ბათუმში, 26 მაისის ქუჩაზე კორპუსის ნაწილის ნგრევის საქმეზე დაკავებულები პატიმრობაში დატოვა.
”არ შევხებივართ მზიდ კედლებს, რაც დამავალეს, ის გავაკეთე” – თქვა სასამართლო პროცესზე ერთ-ერთმა მუშამ, რომელიც კორპუსის ჩამონგრევის საქმეზეა ბრალდებული. მამა-შვილი გიორგი და ხუსეინ სურმანიძეები ბრალს არ აღიარებენ.
ბრალდებული მუშების ადვოკატი აღმკვეთი ღონისძიების შეცვლას ითხოვს. მზია დიასამიძე ამბობს, რომ ექსპერტიზის დასკვნით იკვეთება სახლის მეპატრონის ბრალეულობა.
ოჯახის წევრები საქმის ობიექტურად გამოძიებას ითხოვენ. აცხადებენ, რომ ექსპერტიზის დასკვნაში, რომელიც საქმეს დაერთო, მუშების დანაშაული და პასუხისმგებლობა არ იკვეთება.
კომენტარები