„ვირუსის კონტროლი შეუძლებელია და დიდი ალბათობით ის თითქმის ყველას შეხვდება“ – ირინა სარიშვილი

„კარანტინი, შეზღუდვები და ა.შ. აზრს კარგავს“ – ყოფილი პოლიტიკოსი ირინა სარიშვილი საქართველოში კორონავირუსის გავრცელების შესახებ სოციალურ ქსელში წერს:

„როგორც გვიცხადებენ, თებერვლის თვიდან შესაძლოა დღიურად 60 ათასი ინფიცირების შემთხვევა იყოს და აქედან 20–30 პროცენტი იქნება მხოლოდ ტესტირებით დადასტურებულიო. ანუ შეიძლება გვქონდეს და ტესტმა არ აჩვენოს. ამ განცხადების გარეშეც ცხადად ჩანს, რომ ვირუსის კონტროლი შეუძლებელია და დიდი ალბათობით ის თითქმის ყველას შეხვდება. ერთადერთი რამ, რასაც ასეთ ვითარებაში აზრი აქვს, აცრაა, რომელიც სტატისტიკის მიხედვით უმრავლეს შემთხვევაში გვიცავს გართულებისგან, რომელიც შეიძლება სასიკვდილო აღმოჩნდეს. სხვა ყველა ზომა – კარანტინი, შეზღუდვები და ა.შ. აზრს კარგავს. მგონი არის ლოგიკა იმაში რასაც ვწერ, რა ვიცი…“ – წერს ირინა სარიშვილი.