“ლეიბორისტული პარტიის” მხრიდან პარლამენტში შესაძლო შესვლასთან დაკავშირებით დაწყებულ მსჯელობას პოლიტიკურ სპექტრში არაერთგვაროვანი გამოხმაურება მოყვა. “გირჩის” წევრი, ალექსანდრე რაქვიაშვილი ამბობს, რომ “არ აწყობს” ნათელაშვილის პარლამენტში შესვლა, რადგან, ამ შემთხვევაში, იაგო ხვიჩიასთან დადებულ სანაძლეოს წააგებს.
“პირადად მე შალვა ნათელაშვილის გადაწყვეტილება პარლამენტში შესვლის თაობაზე არ მაწყობდა. თავიდანვე, მე და იაგო დავნაძლევდით, რომ თაკო ჩარკვიანი და შალვა ნათელაშვილი, ის პოლიტიკოსები, რომელთაც ყველაზე მეტი პრეტენზია აქვთ პატიოსნებაზე, შეასრულებდნენ თუ არ შეასრულებდნენ თავის სიტყვას. როგორც ჩანს, როგორც “მოსულა” პოლიტიკაში, ერთს ამბობ და მეორეს აკეთებ, ასე ხდება.
რაც შეეხება “ლეიბორისტების” მიერ პარლამენტის აწიოკებას, თაკო ჩარკვიანმა ხომ ააწიოკა პარლამენტი, ახლა შალვა ნათელაშვილიც დაემატება და აშკარად უფრო სამუშაო გარემო გვექნება,”-აცხადებს რაქვიაშვილი.
კომენტარები