“ვულოცავ ყველა ღიმილიან, უბოროტო, ღვარძლისა და ბოღმისაგან დაცლილ ადამიანს…” – ზურაბ გურული

ექიმი, პროფესორი ზურაბ გურული:

“ვულოცავ ყველა ღიმილიან, უბოროტო, ღვარძლისა და ბოღმისაგან დაცლილ ადამიანს წილხვედრშიც და წილხვედრის მიღმაც. მათ, ვისაც შეუძლია საკუთარი სიხარულისა და სევდის, ბრაზისა თუ მიტევების, წარმატებისა თუ წარუმატებლობის სათავეთა მხოლოდ საკუთარ თავში მოძებნა.

ვულოცავ იმათაც, ვისაც ეს არ შეუძლია და გულწრფელად ვუსურვებ ეპოვოთ სიკეთის კეთებით მიღებული ბედნიერება.

ვულოცავ ყველას, ვისაც შეუძლია ისეთი სურვილების ჩაფიქრება, რომელთა შესრულებისაც თავადაც სჯერა და ვულოცავ იმათაც, ვინც გულუბრყვილოდ ელოდება ციური მანანის ჩამოფრქვევას.
წარმატებული ახალი წელი გქონოდეთ!”