კომიტეტის სხდომა დილიდან ხმაურის ფონზე მიმდინარეობს.
მმართველი პარტია დღეს ამტკიცებს, რომ ინსპექტორის სამსახურის არსებობა საჭირო არ არის, თუმცა ვერ პასუხობს კითხვას, მაშინ რატომ შექმნა ეს უწყება “ქართულმა ოცნებამ” თავად მხოლოდ ორი წლის წინ. სხდომას ლონდა თოლორაიაც ესწრება.
ანა ნაცვლიშვილი:
“რატომ არ მოხვედით ბიუროს სხდომაზე? რატომ გაიქეცით ბრძოლის ველიდან? არ მეგონა, რომ ასე შეგაშინათ ამ ალტერნატიულმა კანონპროექტმა. მაინტერესებს გაქვთ თუ არა მორალური დიკომფორტი თქვენ, მიხეილ სარჯველაძესა და გურამ მაჭარაშვილს ის, რომ ასე არაპატიოსნად გინდათ ჩაჩეხოთ ალტერნატიული კანონპროექტი. შემდეგ ცვლილებას უნდა ველოდოთ, რომ რეგლამენტის 108-ე მუხლს ამოიღებთ? არ მოგწონთ?! გაქვთ თუ არა მორალური დისკომფორტი იმის გამო, რომ უწესო წესებით იბრძვით ადამიანის უფლებათა კომიტეტში. იქნებ გვითხრათ, ვინ არის ის ერთი კაცი, რომლის ჭკუაზეც ახლა სახელმწიფო ინსპექტორის სამსახურს ცვლით?”
გურამ მაჭარაშვილმა ნაცვლიშვილის საპასუხოდ თქვა:
“ქალბატონო ანა, თქვენ დღის წესრიგს მიდგენთ, დილით როდის გავიღვიძო, ჩაი როდის დავლიო და ბიუროზე როდის მოვიდე”– მიმართა მაჭარაშვილმა ნაცვლიშვილს.
უცნობია, რა კავშირშია ჩაის დალევა ბიუროს სხდომაზე არმისვლასთან, სამსახურში არ მისვლასთან – ვერ ესწრება ერთად ბიუროს სხდომაზე მისვლა და ჩაის დალევა? რომელი უნდა გავაუქმოთ, ჩაის დალევა, თუ ბიუროს სხდომა?
გამომდინარე იქედან, რომ ბიუროს სხდომას უმრავლესობა დღეს არ დაესწრო, როგორც ჩანს, ჩაის დალევა ძალაში რჩება და ბიუროს სხდომები უქმდება, რა გითხრათ…
კომენტარები