იუსტიციის მინისტრი, რატი ბრეგაძე:
“მკურნალობის დასრულების შემდგომ, მიღებული იქნა გადაწყვეტილება პენიტენციურ დაწესებულებში გადაყვანის შესახებ, იგი არ დაემორჩილა, აღენიშნებოდა წნევის ცვალებადობა. პენიტენციურმა სამსახურმა მიიღო გადაწყვეტილება გადაყვანის ღონისძიების დროებითი შეჩერების შესახებ.
მკურნალობა დასრულდა გორის სამხედრო ჰოსპიტალში და ბუნებრივია პატიმარი ვერ იქნება სამკურნალო დაწესებულებაში, მაშინ, როდესაც დასრულებულია მკურნალობა და პაციენტი გაწერილია. არ დაეთანხმა იგი ამ გადაწყვეტილებას, არ დაემორჩილა კანონიერ მოთხოვნებს.
ეს ყოველთვის ასე არის, თუკი შეექმნება პრობლემა ჯანმრთელობის, არის გლდანის მე-18 დაწესებულება, სადაც გადაგვყავს ხოლმე პატიმარი, როგორც წინა შემთხვევაში. ეს არის სტანდარტი. კანონის წინაშე გამონაკლისი არავინაა.”
ხომ ამბობთ, რომ ძალისმიერი მეთოდი იყო? რომელი ძალისმიერი მეთოდი იქნა გამოყენებული? რაც შეეხება ადვოკატების ინფორმირებას, უნდა გაეცნოთ კანონმდებლობას და იცოდეთ, როდესაც ხდება პატიმრის გადაყვანა, ამის შესახებ არ არის საჭირო ადვოკატის ინფორმირება. ის გაწერილი იყო – მივიდნენ პენიტენციურის თანამშრომლები და ის არ დაემორჩილა. საიდან გაქვთ ეს ინფორმაცია, რომ ძალადობრივი გზით გადაჰყავდათ? ნებისმიერი პატიმრის შემთხვევაში, როდესაც არ ემორჩილება პატიმარი, შეიძლება გამოყენებული იქნეას იძულებითი მეთოდები. ამ შემთხვევაში, მას აღენიშნებოდა წნევის ცვალებადობა და მიღებული იქნა შესაბამისი გადაწყვეტილება. იყო თუ არა ეს სიმულაცია, ამაზე უნდა ისაბრონ დარგის სპეციალისტებმა. ვერც ვერაფერს გამოვრიცხავ, ვერც ვერაფერს დავადასტურებ. მე არა ვარ დარგის სპეციალისტი.
მე არ გამომიწერია ფორმა100, ამას წერს სამედიცინო პერსონალი. მას შემდეგ რაც პატიმარი გაწერილია საავადმყოფოდან, ჩვენი ვალდებულებაა დაბრუნებული იყოს იქ, საიდანაც გაყვანილი იყო. ეს არის კანონი, რომელიც ამ ქვეყანაში უნდა აღსრულდეს და ყველა ვალდებულია დაემორჩილოს. ვინც არ დაემორჩილება გადაყვანილი იქნება შესაბამისი ფორმით, შესაბამის დაწესებულებში.”
ვიდეო – მთავარი
კომენტარები