“მითხრა, რომ გაუწია წინააღმდეგობა, დაკარგა გონება” – სააკაშვილი შიმშილობას იწყებს? – რას ამბობს სახალხო დამცველის წარმომადგენელი კლინიკიდან გამოსვლის შემდეგ?

სახალხო დამცველის წარმომადგენელი, რომელმაც დატოვა გორის სამხედრო ჰოსპიტალი მიხეილ სააკაშვილთან შეხვედრის შემდეგ, მედიასთან ამბობს:

“მომაწოდა ინფორმაცია, რომ საღამოს საათებში შევიდნენ და აცნობეს რომ ხდებოდა მისი ჰოსპიტალიდან გაყვანა, გაუწია წინააღმდეგობა, შემდგომ, აღარ ახსოვს რაღაც ეტაპი. მოვითხოვე ეთქვათ, სად უნდა გადავეყვანე, მაგრამ არ მითხრესო. ამ ემოციური ფონის გამო, ჰოსპიტალმა მიიღო გადაწყვეტილება, დროებით შეჩერდეს მისი ციხეში გადაყვანა. თქვა, რომ აუწია წნევამ, რომელიც შემდგომ დასტაბილურდა. მან როგორც განაცხადა, ემოციური ფონი იყო ძლიერი და როგორც ამბობს, გონება დაკარგა. მე პირადად ფიზიკური დაზიანებები არ შემიმჩნევია და მასაც არაფერი უთქვამს ამაზე. არ უთქვამს, რომ ძალის გამოყენება მოხდა, ამბობს, რომ მისი ნების წინააღმდეგ უნდოდათ გადაყვანა და გაუწია წინააღმდეგობა. შემდეგ აღარ ახსოვს და როცა გონებაზე მოვიდა, როგორც ამბობს, განუმარტა ექიმმმა, რომ ის რჩებოდა ჰოსპიტალში. არ არის გამორიცხული, რომ შიმშილობა დაიწყოს, შესაძლოა… სახალხო დამცველი შეისწავლის დეტალურად, ხომ არ იყო მისი უფლებები დარღვეული და გეცნობებათ.”

სახალხო დამცველის წარმომადგენელის თქმით, ის არ ფლობს ინფორმაციას იმის შესახებ, რა დროით შეაჩერეს მიხეილ სააკაშვილის გადაყვანა ციხეში. რატომ არ უშვებენ სააკაშვილის ოჯახის წევრებსა და ექიმებს კლინიკაში, ამ კითხვის პასუხად, სახალხო დამცველის წარმომადგენელი ამბობს, რომ არ იცის და პირველად ესმის ეს ინფორმაცია.