დარღვევის ხარისხიდან გამომდინარე, როცა ხდება კარანტინისა და თვითიზოლაციის წესების დარღვევა, შესაძლოა კონკრეტულ სისხლის სამართლის დანაშაულად დაკვალიფიცირდეს. ამიტომ საწყის ეტაპზე მნიშვნელოვანია მაქსიმუმი გაკეთდეს პრევენციისთვის, – ამის შესახებ შინაგან საქმეთა მინისტრის მოადგილე ნინო ცაციაშვოლმა ტელეკომპანია „იმედის“ გადაცემა „იმედის დღეში“ განაცხადა.
შინაგან საქმეთა სამინისტრო 24-საათიან რეჟიმში მუშაობს, ჯანდაცვის სამინისტროს თანამშრომლებთან ერთად. ამ ყველაფრის მიუხედავად მოქალაქეთა თვითნებობის გამო გვიწევს მეტი ძალისხმევა, მათი დევნა და იძულებით კარანტინში გადაყვანა. რაც შეეხება ინფორმაციის მიმოცვლას, გვაწვდის ჯანდაცვის სამინისტრო და დაავადებათა კონტროლის ცენტრი. ერთობლივად ვახორციელებთ პერმანენტულ და მკაცრ მონიტორინგს, რა დროსაც ხდება ამ ერთეული შემთხვევების იდენტიფიცირება და გამოვლენა. შემდეგ კი ამ მოქალაქეების იძულებით კარანტინში გადაყვანა. მხოლოდ მთავრობის ძალისხმევა და ის თანმიმდევრული პოლიტიკა არ არის საკმარისი, რომ მაქსიმალურად შევამციროთ ახალი კორონავირუსის გავრცელების ფაქტები. მნიშვნელოვანია, რომ თითოეულმა ჩვენგანმა გააცნობიეროს ის სამოქალაქო პასუხისმგებლობა, რაც გვაკისრია. დავემორჩილოთ თვითიზოლაციის წესებს.
მათ დეტალური ინფორმაცია მიეწოდებათ ჯერ კიდევ საზღვრის კვეთისას. ინფორმაციის ნაკლებობა არ არის. მოქალაქეებს გაცნობიერებული არ აქვთ, რომ ისინი საზოგადოებას საფრთხეს უქმნიან. თვითიზოლაციის წესების დარღვევაზე ინფორმაციის მოწოდების ძირითადი წყარო არის ჯანდაცვა. ცალკეული მოქალაქეების ზარებიც შემოგვდის. ხდება ფაქტების გამოვლენა და აღკვეთა“
კომენტარები