მამუკა ჩხიკვაძეს, რომელიც ოკუპანტებმა გორის მუნიციპალიტეტის სოფელ ზემო ნიქოზის მიმდებარე ტერიტორიიდან გაიტაცეს, საფრთხეშია – ამის შესახებ ინფორმაციას ანტისაოკუპაციო მოძრაობა “ძალა ერთობაშიას” წევრი, დავით ქაცარავა ავრცელებს.
“მის სიცოცხლეს საფრთხე ემუქრება, რადგან ის ძალოვანი სტრუქტურების ყოფილი თანამშრომელია და ეს საკმარისია იმისთვის რომ საოკუპაციო რეჟიმის მხრიდან განხორციელდეს არაადამიანური მოპყრობა” ამბობს დავით ქაცარავა.
მამუკა ჩხიკვაძის ახლობლები აცხადებენ, რომ ხელისუფლებამ საქართველოს მოქალაქის გასათავისუფლებად ყველა ბერკეტი უნდა გამოიყენოს, წინააღმდეგ შემთხვევაში ისინი საპროტესტო აქციებს აანონსებენ.
გავრცელებული ინფორმაციით, მამუკა ჩხიკვაძე ამჟამად ცხინვალის წინასწარი დაკავების იზოლატორშია მოთავსებული. მისი სასამართლო პროცესი სავარაუდოდ, დღეს გაიმართება.
კომენტარები