მიხეილ სააკაშვილს 2 თვით ტელეფონით სარგებლობის უფლება შეუზღუდეს – შესაბამისი დოკუმენტი მესამე პრეზიდენტის ადვოკატს მე-18 დაწესებულებაში ცოტა ხნის წინ გადასცეს.
ადვოკატ შოთა თუთბერიძის თქმით, პენიტენციურმა სამსახურმა დაადგინა, რომ მიხეილ სააკაშვილმა დაარღვია პატიმრობის კოდექსი და მის მიერ პენიტენციურისთვის მიყენებული ზიანი 70 ლარს შეადგენს, რის გამოც მას ეს სანქცია დაეკისრა.
მართალია, მიხეილ სააკაშვილი ტელეფონით ისედაც ვერ სარგებლობდა, რადგან პროკურატურა ამის უფლებას არ აძლევს, მაგრამ პენიტენციურ სამსახურს იმის შეზღუდვაც შეუძლია, რაც უკვე შეზღუდულია.
რატი ბრეგაძის უწყება მესამე პრეზიდენტს სამედიცინო ნივთის დაზიანებას ედავება, გლდანის მე-18 დაწესებულებაში, იძულებით გადაყვანის დროს. მართალია, თვადაპირველად, ვრცელდებოდა ინფორმაცია, რომ სააკაშვილმა დააზიანა ძვირადღირებული ტექნიკა, მაგრამ საბოლოო ჯამში, დაზიანებული ტექნიკა, ავდოკატის თქმით, 70 ლარად შეფასდა.
გუშინ, 7 დეკემბერს მესამე პრეზიდენტთან გორის სამხედრო ჰოსპიტალში, გლდანის ციხის წარმომადგენლები შევიდნენ და უთხრეს, რომ დისციპლინური სასჯელი დაეკისრა, რის გამოც გამოურთეს ტელევიზორი და შეუზღუდეს მნახველების მიღება
კომენტარები