“სააკაშვილი სთხოვს ყველას, ვინც გულშემატკივრობს, ხვალ სასამართლოსთან შეიკრიბონ” – რა გზავნილები დააბარა სააკაშვილმა გვარამიას?

საქართველოს მესამე პრეზიდენტის, მიხეილ სააკაშვილის ადვოკატმა, ნიკა გვარამიამ გორის ჰოსპიტალის დატოვების შემდეგ, მედიასთან თქვა:

“…მისი მთავარი და უპირობო ამოცანაა ხვალ წარსდგეს ქართველი ხალხის წინაშე და ისაუბროს უკვე ამ ბრალდებაზე. დარწმუნებული ვარ, რომ ის შეეცდება მიუხედავად სისუსტისა, რომელიც აღენიშნება, რომ ღირსეულად წარსდგეს ამჯერადაც ხალხის წინაშე.

ერთადერთი, მისი თხოვნაა, რომ მისთვის ძალიან მნიშვნელოვანია მხარდაჭერა, ადამიანების მხარდაჭერა, ეს მას ფიზიკურადაც ეხმარება და მორალურადაც. ამიტომ სთხოვა ყველას, ვინც გულშემატკივრობს, რომ ხვალ სასამართლოსთან შეიკრიბონ.“

მიხეილ სააკაშვილის სოციალურ გვერდზე კი, სასამართლოს მიმართ ვრცელდება მიმართვა:

“ჩემთვის ძალიან მნიშვნელოვანია სასამართლო დარბაზში ჩემი კოლეგების ნახვა. მაგრამ, ამჯერად მივმართავ სასამართლოს, რომ დარბაზში შემოუშვან ნებისმიერი პოლიტიკური მიმდინარეობის ჟურნალისტები. თუნდაც აპარატურის გარეშე, რათა საკუთარი თვალით ნახონ ეს ისტორიულად სამარცხვინო პროცესი და შეძლონ ადგილზე ჩამოუყალიბდეთ საკუთარი შთაბეჭდილება”