“პირველი რასაც ვიზამ რომ გამოვალ, ახალ “კურტკას” გიყიდი” – სააკაშვილის წერილი გიორგი მუმლაძეს

ფოტო – მთავარი

საქართველოს მესამე პრეზიდენტი, მიხეილ სააკაშვილი სამოქალაქო აქტივისტ გიორგი მუმლაძეს, გორის სამხედრო ჰოსპიტლიდან მიმართავს და მხარდაჭერისთვის მადლობას უხდის.

წერილს სოციალურ ქსელში მოძრაობა “საქართველოსთვის” წევრი კახა კვეკვესკირი ასაჯაროებს და წერს:

“მიშამ გიორგი მუმლაძეს წერილი გამოუგზავნა. მოგვიკითხა ყველა.

მიშა რა მიშაა იუმორიც რომ არ ჩააქსოვოს მისთვის და ქვეყნისთვის დრამატულ და საბედისწერო პერიოდში.

გიორგის დახეული “კურტკა”-სავითაა დღეს ჩვენი ქვეყანა.

მიშა ძალიან გაბრაზდა “პაგონიანი” გიენების საქციელით სასამართლო პროცესის დღეს და წარმოიდგინეთ რა გაბრაზებული იქნება ქვეყნის დღევანდელი მდგომარეობით!

ძალიან ბევრი უნდა მივიდეთ ხვალ, რომ გავამხნევოთ მიშა და ყველანაირი შიში, დაღლა ან სხვა არგუმენტი უბრალოდ უადგილოა !

P.S.- წერილში რაც დაფარულია მაგას გაჩვენებთ ძალიან მალე.

P.P.S. ს.უ.ს.-თან თხოვნა მექნება, ძალიან ნუ დაიძაბებით და ნუ დაიწყებს შინაარსზე თქვენს უნაოჭო ტვინების ჭყლეტვას, მაინც ვერაფერს გაიგებთ.#FreeMisha“