“ალიას” ესაუბრება 45 წლის ქალბატონი, მაკა კურკულაძე გურიიდაან, რომელმაც, ცოტა ხნის წინ, კლინიკა „ნიუჰოსპიტალსში“ ორი ურთულესი ოპერაცია გაიკეთა და გვთხოვს, მისი გამოცდილების შესახებ გიამბოთ.
მხედველობის პრობლემა დიდი ხანია მქონდა, მხოლოდ ერთი თვალიდან ვხედავდი სამყაროს. წელს, როცა სამსახურიდან სახლში მივდიოდი, მოულოდნელად, შუა ქუჩაში დავკარგე სრულად მხედველობა, ყველაფერი დაბნელდა. ვცდილობდი სმენით გამეკვლია გზა და მანქანების ხმებს ვუსმენდი, ვლოცულობდი, რომ როგორმე გზა გადამეკვეთა და მერე დახმარება მეთხოვა. სრულიად შემთხვევით, ჩემმა შვილმა, რომელიც, იქ სულაც არ უნდა ყოფილიყო, გამოიარა, დამინახა, გამოიქცა და ასე გადავრჩი იმ დღეს სიკვდილს. გურიაში მივედი ექიმთან, რომელიც მიხვდა, რომ რთული მდგომარეობა იყო და მირჩია დაუყოვნებლივ მიმერთა „ნიუჰოსპიტალსისთვის“. სამი თვე ველოდი დაფინანსებას და ეს იყო კოშმარული სამი თვე, შვილის ხმის ყოველი გაგონებისას ტირილი მინდოდა, ისე მენატრებოდა მისი დანახვა.
„ნიუჰოსპიტალსში“ დამხვდა შესანიშნავი გუნდი, ქირურგი შოთა თადუმაძე, ჩემი ყველაზე დიდი გულშემატკივარი იყო. ვერ გადმოვცემ სიტყვებით, როგორი მადლიერი ვარ მისი, ისიც ოჯახის წევრივით განიცდიდა ჩემ მდგომარეობას. როცა პირველად მივედით, აღამოჩნდა რომ ბადურა იყო ჩამოცლილი. იმდენად რთული იყო მდგომარეობა, რომ ექიმი ოპერაციის დასრულებამდე ვერ გვეუბნებოდა ზუსტად, აღდგებოდა თუ არა მხედველობა, პროგნოზი 50/50-ზე იყო. მერე მითხრეს, რომ ჩემ შვილს ამ სიტყვების მოსმენისას უტირია…
ორი ოპერაცია ჩამიტარა ბატონმა შოთამ, ბადურის და კატარაქტის.
ოპერაციის დასრულების შემდეგ, პალატაში შემოვიდა სანიტარი და სინათლე აანთო. მექანიკურად წამოვიყვირე, ჩააქრეთ შუქი-მეთქი. ვერც გავაცნობიერე უცებ რა მოხდა, რომ სახვევის შიგნიდანაც კი დავინახე შუქი. ის შუქი, რომელიც 3 თვე არ მქონდა ნანახი. პალატაში ხმამაღალი ოვაციები გაისმა, ისე გაეხარდათ, რომ ვხედავდი.
დილით, როცა სახვევი ამხსნა ექიმმა, კიდევ უფრო უკეთ ვხედავდი. ახლა უკვე ერთი თვალიდან კვლავ ვხედავ, ვმუშაობ, ვცხოვრობ სრულფასოვანი ცხოვრებით. შოთა თადუმაძის დამსახურებით, მართლა მეორედ დამიბრუნდა სიცოცხლე. ვისაც ეს არ გამოუცდია, ვერასოდეს წარმოიდგენს, რას ნიშნავს სრულ სიბნელეში ცხოვრება და რა შეგრძნებაა, როცა სამი თვის მერე, პირველად შეგიძლია შვილის სახის ისევ დანახვა.
კომენტარები