პრემიერ-მინისტრი, ირაკლი ღარიბაშვილი:
“თუ გადახედავთ რეგიონებს, ყველა დამეთანხმება, რომ დანგრეულია, გაპარტახებულია რეგიონები, ეს ნანგრევები, ყველაფერი…
600 000 სოციალურად დაუცველი ადამიანიდან თითქმის ნახევარი – 300 000 არის შრომისუნარიანი მოქალაქე – ეს ადამიანები გავხადეთ ამ დახმარების მძევლები. ადამიანს აქვს შიშის განცდა, რომ თუ ის თუნდაც ელემენტარულად გაიუმჯობესებს საყოფაცხოვრებო პირობებს – შეიძენს ტელევიზორს, მაცივარს და ა.შ. მას აქვს შიში, რომ სოციალური აგენტი დააკლებს ქულას, ან მოუხსნის დახმარებას. რაც მისთვის აღიქმება ტრაგედიად… რეგიონებში ყველა გეტყვით, რომ მუშა ხელს ვეღარ შოულობენ, მაგალითად, დღეში 50 ლარს რომ უხდიან, ასეთ სამუშაოზე მუშა ხელს ვეღარ შოულობენ.
ძალიან ბევრი ადამიანი, ვინც მიდის უცხოეთში, რა სამსახურს ეძებს? იგივე შეგვიძლია შევთავაზოთ ჩვენ აქ, ადგილზე.
მას შეეძლება, რომ 2-3 სხვა სამსახურიც იშოვოს, მათ შორის, სეზონური, ყოველდღიური სამსახური. რეალურად, მისი შემოსავალი შეიძლება გაორმაგდეს და გასამმაგდეს. თუ ჩვენ ადამიანები არ მივაჩვიეთ ამ შრომას, არ განვუვითარეთ უნარები, თავად არ დაიჯერეს საკუთარი თავის და საკუთარი უნარების რეალიზება არ მოახდინეს, რა თქმა უნდა, ძალიან რთულია. ეს არის მორევი…
კონკრეტულ მუნიციპალიტეტში იქნება დასაქმების სააგენტოს კონკრეტული წარმომადგენლობა და პირობითად, თქვენ ხართ წარმატებული ბიზნესმენი, ფერმერი და გჭირდება 100 მუშახელი, მიმართავთ ამ კონკრეტულ სააგენტოს და სააგენტო გამოგიგზავნით თქვენ, შესაბამისად, არ მოხდება არც დუბლირება, არც საზოგადოებრივ საქმიანობას არ მოაკლდება ეს ძალა.
300 000 სამუშაო ადგილი და ადამიანი არის ძალიან დიდი ძალა. ჩვენ ამ ძალას ისე გადავანაწილებთ, ეს არის რეალურად დიდი ჯარი, რომელიც უნდა იმართოს ძალიან ეფექტიანად.
მაგალითისთვის ავიღოთ თბილისის მერია, დღეს რომ მიაწოდოთ 10 000 მუშახელი, ადამიანი, გაძლევთ პირობას და გარანტიას, რომ ყველას მაქსიმალურად დაასაქმებს, იმიტომ, რომ იმდენია საქმე ქალაქში, ყველგან. რესურსი ისედაც გვაქვს და ისედაც იხარჯება, სახელმწიფო გასცემს ამ რესურსს ხომ, მაგრამ გასცემს იმისთვის, რომ ადამიანი იჯდეს სახლში და არაფერი არ აკეთოს. იდეა ამაში მდგომარეობს, რომ სახლში ჯდომისთვის კი არ უნდა მივცეთ ადამიანებს ფული, ეს ფული უნდა მივცეთ კონკრეტული საქმიანობისთვის.”
როგორც ხედავთ, საქართველოში სამსახყრები ძალიან ბევრია, უბრალოდ, ბიზნესი მუშახელს ვერ პოულობს, თურმე, ამიტომ სახელმწიფო შექმნის სააგენტოებს, რომლებსაც დავაფინანსებთ ბიუჯეტის ფულით და ეს სააგენტოები დააკავშირებენ მუშახელს ბიზნესთან. გარდა ამისა, პრემიერმა ქართველებს შრომას დაუჩვეველი ხალხი გვეძახა და გვითხრა, რომ ჩვენ განუვითარებენ უნარებს განავითარებს.
კომენტარები