“ახლაც მიმდინარეობს მშვიდობიანი რევოლუცია… შევარდნაძეც არ იმჩნევდა ბოლო წამამდე…” – მელია

“ენმ”-ის თავმჯდომარე, ნიკა მელია, რომელიც ამ წუთებში აქციაზე, მედიასთან ამბობს:

“ბიძინა ივანიშვილმა ვარდების რევოლუციის შემდეგ განხორციელებული რეფორმების შედეგად გამყარებული სახელმწიფო ინსტიტუტები მიიტაცა და მასზე დააშენა ავტოკრატია. ეს ის მოცემულობაა, რომელიც უნდა მოირღვეს – სისხლისღვრის გარეშე უნდა მოირღვეს. შევარდნაძეც არ იმჩნევდა ბოლო წამამდე, რომ ქვეყანაში მშვიდობიანი ვარდების რევოლუცია ხორციელდებოდა, ბოლო წამამდე დაწერილ ტექსტს კითხულობდა. როცა თვალები ფართოდ გაახილა, უკვე ხელისუფლებაში აღარ იყო. ახლაც მიმდინარეობს მშვიდობიანი რევოლუცია. შეუძლებელია, რეჟიმი, რომელიც არის პოლიტიკურ და მორალურ, მძიმე კრიზისში, რაც არ უნდა სასტიკი და ვერაგი იყოს, შეუძლებელია გაიხანგრძლივოს ყოფა.”