„ღარიბაშვილი არ იყო ჩემთვის ავტორიტეტი… ღარიბაშვილს არ ჰქონდა არც იურიდიული განათლება ამის და მით უმეტეს არც ფინანსური“ – ივანიშვილი

 ბიძინა ივანიშვილის ბერმუდის სასამართლოსთვის ჩვენების მიცემის კადრები „ფორმულამ“ მოიპოვა. რეპორტაჟში ისმის:

ერთ პატარა რემარკს გავაკეთებ ღარიბაშვილთან დაკავშირებით და ზოგადად, ასისტენტებზე კარგი იქნება, რახან ღარიბაშვილი ასე აინტერესებს. ღარიბაშვილი არ იყო ჩემთვის ავტორიტეტი. ღარიბაშვილი არ იყო ფინანსისტი. თუ კრედიტ სვისი მიმანიშნებდა, რომ ხელი უნდა მომეწერა და ეს ჩემთვის კეთდებოდა, იმას როგორ გადაამოწმებდა ღარიბაშვილი. აი, წერილები, რომლებიც იგზავნებოდა, იგივე, ვთქვათ, ჩამოდიოდა დელეგაცია, დელეგაციას უნდოდა დროის შეთანხმება, მინდოდა რაღაც ფულის გადარიცხვა, ვთქვათ, ზარების განხორციელება, შეხვედრის ორგანიზება და ასეთი, მსგავსი. თვეში ერთხელ გაეგო ანგარიშზე რა თანხებია, რა დარჩა და ასე შემდეგ… ღარიბაშვილს არ ჰქონდა არც იურიდიული განათლება ამის და მით უმეტეს არც ფინანსური

კითხვა: [ანუ რაღაც მდივანივით გყავდათ?] – რაც გინდათ, ის დაარქვით, თქვენ რომელი სახელითაც გინდათ, იმით მოიხსენიეთ….

… „ცოტას დავიტრაბახებ, უკაცრავადა ვარ, თქვენ ვერ ნახავთ პოლიტიკის ისტორიაში, რომ მოვიდა გუნდი, გაიმარჯვა, დავინიშნე საქართველოს პირველ პირად და რაც დავპირდი მოსახლეობას, გავაკეთე. ერთი წლის შემდეგ, როდესაც პიკში ვიყავი, თანამდებობა დავტოვე. ასეთი მაგალითი მეორე არ არსებობს მსოფლიო პოლიტიკის ისტორიაში, ამას გეუბნებით გულწრფელად, რომ იცოდეთ. მთელი ხალხი უკან დამდევდა, არავის ჩემი წასვლა არ უნდოდა მაგ დროს, როდესაც წავედი, იმდენად პოპულარული ვიყავი.“