ჯერ კიდევ პირველ ნოემბერს იყო საუბარი მიხეილ სააკაშვილის გორის სამხედრო ჰოსპიტალში გადაყვანაზე და მაშინ, სააკაშვილის ადვოკატებმა განაცხადეს, რომ ჰქონდათ საგანგაშო ინფორმაცია.
ნიკა გვარამია:
“ასევე, ინფორმაცია გვაქვს, რომ აპირებენ მის გადაყვანას გორის ჰოსპიტალში, სადაც შესაძლოა, დაიგეგმოს ე.წ. ოსური სპეცრაზმის მიერ მიხეილ სააკაშვილის გატაცება.”
ბექა ბასილაია:
“ალბათ, ხელისუფლების გეგმა და სურვილია, რუსულ სპეცსამსახურებს გადააბარონ მიხეილ სააკაშვილი”.
დიმიტრი საძაგლიშვილი:
“შიმშილობა სულ უფრო და უფრო აშკარა უარყოფით შედეგებს იწვევს მიხეილ სააკაშვილის შიმშილობაზე. ჩვენი მოთხოვნაა, მიხეილ სააკაშვილის გადაყვანა მოხდეს იმ კერძო კლინიკაში, სადაც ზოგადად ხდება პატიმრების გადაყვანა, რომელთანაც იუსტიციის სამინისტროს აქვს ხელშეკრულება. არავითარ შემთხვევაში ეს არ უნდა იყოს კლინიკა, რომელიც დაკავშირებულია მიხეილ სააკაშვილის უსაფრთხოების რისკებთან. ასეთია გორის სამხედრო ჰოსპიტალი. როცა ვსაუბრობ რუსულ სპეცსამსახურებზე, ამაში იგულისხმება ოსური ბანდფორმირებებიც და სხვა ძალები, რომლებიც რუსეთის მიერ კონტროლირებად ტერიტორიაზე მოქმედებენ”.
ამ წუთებში, ეკა ხერხეულიძე გლდანის ციხესთანაა, სადაც იგი ელოდება მიხეილ სააკაშვილის ნახვას, რათა გამოიტანოს საჯაროდ მისი პასუხი.
იმ შემთხვევაში, თუ სააკაშვილი დათანხმდება გორის ჰოსპიტალში გადასვლას, სავარაუდოდ, მისი ავდოკატებიც გააკეთებენ განცხადებებს და გვეტყვიან, შეიცვალა, თუ არა რაიმე, პირველი ნოემბრის შემდეგ და ისევ რჩება თუ არა საფრთხე, რომელზედაც ისინი საუბრობდნენ? მათ განცხადებებს “ალია” დაუყოვნებლივ შემოგთვაზებთ.
კომენტარები